दक्षिण आफ्रिकेविरुद्धच्या तिसऱ्या कसोटी सामन्यात नाणेफेक जिंकून फलंदाजी करण्याचा भारताचा निर्णय

 

नवी दिल्ली (वृत्तसंस्था) : भारत आणि दक्षिण आफ्रिका यांच्यातला मालिकेतला तिसरा आणि अंतिम क्रिकेट कसोटी सामना आजपासून केप टाऊन इथं सुरू झाला आहे. भारतानं नाणेफेक जिंकून सामन्यात पहिल्यांदा फलंदाजी करण्याचा निर्णय घेतला आहे. शेवटचं वृत्त हाती आलं तेव्हा भारताच्या २ बाद ३३ धावा झाल्या होत्या. के. एल. राहुल १२ धावांवर आणि मयंक अग्रवाल १५ धावांवर बाद झाला. या सामन्यासाठी पूर्णपणे तंदुरूस्त असू्न आजचा सामना खेळणार आहे, असं विराट कोहलीनं काल वार्ताहर परिषदेत सांगितलं होतं. दुसऱ्या सामन्याला तो पाठदुखीमुळे मुकला होता. जलदगती गोलंदाज मोहम्मद सिराज मात्र दुखापतीमुळे खेळू शकणार नाही असं कोहली म्हणाला. या मालिकेत दोन्ही संघांनी एक-एक सामना जिंकला आहे. त्यामुळं मालिका विजयासाठी दोन्ही संघ हा सामना जिंकण्यासाठी आटोकाट प्रयत्न करतील.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image