पुढच्या वर्षी सप्टेंबरपर्यंत सकल अनुत्पादक मालमत्ता ९ पूर्णांक ५ दशांश टक्क्यावर पोहोचण्याची शक्यता - रिझर्व बँक

 

नवी दिल्ली (वृत्तसंस्था) : भारतीय रिझर्व बँकेच्या अर्धवार्षिक वित्तीय स्थिरतेच्या अहवालानुसार पुढील वर्षी सप्टेंबर महिन्यापर्यंत सकल अनुत्पादक मालमत्ता आठ पूर्णांक एक दशांश टक्क्यांवरून नऊ पूर्णांक पाच दशांश टक्क्यांवर पोहोचण्याची शक्यता आहे. हे प्रमाण यंदाच्या सप्टेंबर महिन्यात सहा पूर्णांक ९ दशांश टक्क्यांवर आलं होतं, जे गेल्या सहा वर्षातील सर्वात कमी प्रमाण होते. अडकलेल्या कर्जाचं प्रमाण अत्यंत वाईट स्थितीतही एकेरी आकड्यावरच राहण्याचा अंदाज व्यक्त करण्यात आला आहे. नुकसान सहन करण्यासाठी बँकांकडे पुरेसे भांडवल आहे.सार्वजनिक बँकांची  सकल अनुत्पादक मालमत्ता पुढल्या सप्टेंबरपर्यंत १० पूर्णांक ५ दशांश टक्क्यांवर पोहोचण्याचा अंदाज व्यक्त करण्यात आला आहे. बँकांचा ताळेबंद मजबूत असून भविष्यात प्रतिकूल स्थिती राहिल्यास त्याचा सामना करण्यासाठी वित्तीय तरलता आणि पुरेशा भांडवलाचा साठा ठेवला जात असल्याचं रिझर्व बँकेचे गव्हर्नर शक्तिकांत दास यांनी म्हटलं आहे.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image