येत्या तीन वर्षात सुमारे ३६ हजार ५०० किलोमीटर लांबीचे राष्ट्रीय महामार्ग बांधणार असल्याचं केंद्रीय मंत्री नितिन गडकरी यांचं लोकसभेत प्रतिपादन

 

नवी दिल्ली (वृत्तसंस्था) : देशात, येत्या तीन वर्षात सुमारे ३६ हजार ५०० किलोमीटर लांबीचे राष्ट्रीय महामार्ग बांधले जाणार आहेत. केंद्रीय रस्ते वाहतूक आणि महामार्ग मंत्री नितिन गडकरी यांनी आज लोकसभेत लेखी उत्तरात ही माहिती दिली. चालू आर्थिक वर्षात १२ हजार किलोमीटर लांबीच्या रस्ते बांधणीचं लक्ष्य सरकारनं निश्चित केलं आहे, असं त्यांनी सांगितलं. रस्त्यांच्या कामाचा दर्जा आणि राष्ट्रीय महामार्गांच्या कामाच्या प्रगतीवर देखरेख ठेवण्यासाठी सरकारनं अनेक पावलं उचलली आहेत. या प्रकल्पांची कामं ठरल्या वेळेत पूर्ण व्हावीत यादृष्टीनं राज्यं सरकारं आणि संबंधित यंत्रणांशी नियमित आढावा बैठकाही घेतल्या जातात, असं त्यांनी सांगितलं. राष्ट्रीय महामार्गांवरच्या अपघाती जागांवर होणाऱ्या अपघातांची कारण अभ्यासून ती दूर करावित यासाठी सर्व राज्यांचे मुख्य सचिव तसंच मुख्य अभियेंते आणि प्रकल्प संचालकांना पत्र पाठवून सूचना दिल्या आहेत, असंही गडकरी यांनी सांगितलं.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image