मुंबईत ख्रिसमस आणि नववर्षानिमित्त होणाऱ्या कार्यक्रमांबाबत महानगरपालिकेची नवी नियमावली जारी

 

मुंबई (वृत्तसंस्था) : ओमायक्रोन विषाणूमुळे मुंबईतली कोरोना रुग्णांची संख्या वाढण्याची शक्यता लक्षात घेता आगामी ख्रिसमस आणि नववर्षानिमित्त होणाऱ्या कार्यक्रमांबाबत मुंबई महानगरपालिकेनं नवी नियमावली जारी केली आहे. नव्या नियमावलीनुसार नागरिकांना तसंच सार्वजनिक कार्यक्रम आयोजित करणाऱ्यांना कोविड सुसंगत वर्तणूक सक्तीची करण्यात आली आहे. कोरोनाची संभाव्य तिसरी लाट थोपवण्याचं आवाहन सरकार आणि प्रशासन वारंवार करत असून देखील सार्वजनिक कार्यक्रमांमध्ये कोविड प्रतिबंधक नियमावलीचं उल्लंघन होत आहे. गर्दीवर नियंत्रण करण्याची आवश्यकता असल्याचं मुंबई महानगरपालिका आयुक्त इकबाल सिंग चहल यांनी सांगितलं. नव्या नियमावलीनुसार २०० पेक्षा जास्त माणसं एकत्र येण्याकरता महापालिकेच्या  संबंधित वॉर्डच्या उपायुक्तांची परवानगी घेणं आवश्यक आहे. तसंच खुल्या जागेत २०० पेक्षा जास्त माणसं एकत्र येणार असतील तर कोविड प्रतिबंधक नियमावलीचं पालन होत आहे ना यावर देखरेख ठेवण्यासाठी  महापालिकेचे प्रतिनिधी कार्यक्रमाच्या ठिकाणी उपस्थित राहतील. बंद जागेत ५० टक्के क्षमतेनं तर खुल्या जागेत २५ टक्के क्षमतेनं कार्यक्रम आयोजित करता येतील. असं चहल यांनी सांगितलं. 

 

 

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image