संसदेच्या लोकलेखा समितीमुळे संसदीय व्यवस्थेत विवेक, ज्ञानासक्ती आणि शिष्टाचार टिकून राहिला- राष्ट्रपती

 

नवी दिल्ली (वृत्तसंस्था) : संसदेच्या लोकलेखा समितीमुळे संसदीय व्यवस्थेत विवेक, ज्ञानासक्ती आणि शिष्टाचार टिकून राहिला असल्याचं राष्ट्रपती रामनाथ कोविंद यांनी म्हटलं आहे. ते आज संसदेच्या लोकलेखा समितीच्या शताब्दी महोत्सवाला संबोधित करत होते. सार्वजनिक जीवन निर्मळ असावं यासाठी व्यवहारांची नोंद महत्वाची असल्याचं महात्मा गांधी यांचं मत होतं असंही राष्ट्रपतींनी अधोरेखीत केलं. उपराष्ट्रपती एम.व्यंकैय्या नायडू आणि लोकसभेचे अध्यक्ष ओम बिर्ला हे देखील या कार्यक्रमाला उपस्थित होते. लोकलेखा समीतीच्या अहवालांतून व्यवस्थेत नियमीतपणे सुधारणा केल्या जातात. आजवर समीतनं अनेक आर्थिक त्रूटींचा शोध लावून त्या सुधारण्याचं काम केलं आहे असं उपराष्ट्रपती यावेळी म्हणाले. एका वर्षात संसेदेत किमान १०० दिवसांचं कामकाज व्हायला हवं असंही नायडू यांनी यावेळी सुचवलं. लोकलेखा समिती ही संसदेचा सर्वात महत्वाचा घटक असून, समितीच्या सदस्य समर्पण वृत्तीनं काम करत आहेत अशा शब्दांत लोकसभेचे अध्यक्ष ओम बिर्ला यांनी समितीच्या कार्याचा गौरव केला.

Popular posts
महाराष्ट्र राज्य इतर मागासवर्गीय वित्त आणि विकास महामंडळामार्फत थेट कर्ज योजना राबवली जाते
Image
‘यपटीव्ही’ने आयपीएल २०२१च्या ब्रॉडकास्टिंगचे अधिकार मिळवले
Image
भारतीय प्रशासकीय सेवेतले ज्येष्ठ अधिकारी गौरव द्विवेदी यांनी प्रसारभारतीचे मुख्य कार्यकारी अधिकारी म्हणून पदभार स्वीकारला
Image
वैद्यकीय ऑक्सिजन उत्पादन वाढवण्यासाठी 'एमजी मोटर इंडिया'चा पुढाकार
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image