लोकसभेत निवडणूक सुधारणा विधेयक २०२१ सादर

 

नवी दिल्ली (वृत्तसंस्था) : लोकसभेत विरोधी सदस्यांच्या घोषणाबाजीतच आज कायदा मंत्री किरेन रिजिजू यांनी निवडणूक सुधारणा विधेयक २०२१ सादर केलं. बोगस आणि बनावट मतदान रोखण्यासाठी मजबूत कृतीसाठी हा कायदा असल्याचं रिजिजू म्हणाले. या विधेयकात जनता प्रतिनिधित्व कायदा १९५० आणि १९५१ मधल्या काही तरतुदींचा समावेश केला जाणार आहे. या तरतुदींचा समावेश केल्यामुळे आधार कार्डाला निवडणूक प्रक्रियेशी जोडता येईल. या विधेयकामुळे विश्वासार्ह निवडणुकांची हमी मिळणार असल्याचं त्यांनी  सांगितलं. गोपनीयतेच्या अधिकाराला मूलभूत हक्काप्रमाणे संरक्षण देण्याबाबत सर्वोच्च न्यायालयानं दिलेल्या निकालात दर्शवलेल्या रूपरेषेचं पालन  हे विधेयक तंतोतंत करत असल्याचं मत रिजिजू  यांनी व्यक्त केलं. सर्वोच्च न्यायालयाचे न्यायमूर्ती के एस पुट्टास्वामी यांनी हा निकाल दिला होता. तर हे  विधेयक गोपनीयतेच्या मूलभूत हक्काची पायमल्ली करत असल्याचं  सांगत  कॉंग्रेस आणि डाव्या पक्षांनी त्याला  विरोध केला. कॉंग्रेसचे अधिर रंजन चौधरी, मनिष चौधरी आणि शशी थरूर, एआयएमआयएम च्या असादुदि्दन ओवेसी, टीएमसीच्या सौगात राॅय यांनी या विधेयकाला विरोध केला

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image