संपकरी कर्मचाऱ्यांविरोधात एसटी महामंडळानं दाखल केलेल्या अवमान याचिकेवर शुक्रवारपर्यंत उत्तर देण्याचे मुंबई उच्च न्यायालयाचे निर्देश

 

मुंबई (वृत्तसंस्था) : राज्य परिवहन महामंडळानं संपकरी कर्मचाऱ्यांविरोधात दाखल केलेल्या अवमान याचिकेवर शुक्रवारपर्यंत उत्तर देण्याचे निर्देश मुंबई उच्च न्यायालयानं एसटी कामगार संघटनांना दिले आहेत. न्यायालयानं संप न करण्याचे निर्देश दिले असतानाही कामगार संपावर ठाम आहेत. त्यामुळे एसटी महामंडळानं आज न्यायालयात अवमान याचिका सादर केली होती. एस.टी. महामंडळानं एकूण ३४३ जणांविरोधात अवमान केल्याबद्दल नोटीस जारी करण्याची मागणी न्यायालयाकडे केली आहे. यात संपात सहभागी झालेल्या संघटनांचे नेते, पदाधिकारी तसंच इतर प्रमुख कामगारांचा समावेश आहे. महामंडळानं मंगळवारी ३७६ कामगारांवर निलंबनाची कारवाई केली होती. दरम्यान, परिवहन मंत्री अनिल परब यांनी कुणाच्याही भाषणबाजीला बळी न पडण्याचं आवाहन एसटी कामगारांना केलं आहे. कामगारांच्या अन्य मागण्या मान्य केल्या आहेत. पण, एसटीचे राज्य सरकारमधील विलीनीकरणाची मागणी एक-दोन दिवसांत पूर्ण होण्यासारखी नाही, असही परब म्हणाले.

Popular posts
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
अमली पदार्थ नियंत्रण विषयक समन्वय केंद्राची तिसरी उच्चस्तरीय बैठक केंद्रीय गृहमंत्री अमित शहा यांच्या अध्यक्षतेखाली पार
Image
नागरी संरक्षण स्वयंसेवकांच्या नोंदणी व पुनर्नोंदणीबाबत आवाहन
Image
एमटीडीसीमार्फत विशेष सवलतींची व पर्यटनस्थळांची माहिती देणारे दालन पर्यटनवृद्धीसाठी महत्त्वाचे – पर्यटन राज्यमंत्री कु.आदिती सुनील तटकरे
Image
शेतकरी हितासाठी केंद्र सरकारकडून राज्य सरकारला टोमॅटो खरेदीची सूचना
Image