तिन्ही कृषी कायदे मागे घेणारं विधेयक लोकसभेत आवाजी मतदानानं मंजूर

 

नवी दिल्ली (वृत्तसंस्था) : देशातले तीन कृषी कायदे मागे घेणारं विधेयक आज लोकसभेत आवाजी मतदानानं संमत करण्यात आलं. यावेळी विरोधकांनी चर्चेची मागणी करत गदारोळ केला. त्या गदारोळातच हे विधेयक संमत करण्यात आलं. यावेळी झालेल्या गदारोळामुळे नंतर लोकसभेचं कामकाज दुपारी अडीच वाजेपर्यंत स्थिगीत करण्यात आलं. संसदेच्या हिवाळी अधिवेशनाच्या आजच्या पहिल्याच दिवशी विरोधकांनी विविध मुद्द्यांवरुन घातलेल्या गोंधळामुळे लोकसभेचं कामकाज आधी १२ वाजेपर्यंत तर नंतर २ वाजेपर्यंत स्थगित करण्यात आलं. आज सकाळी कामकाज सुरु झाल्यानंतर लोकसभेच्या नवनिर्वाचित सदस्यांनी शपथ घेतली. त्यानंतर शोकप्रस्ताव ठेवण्यात आला. त्यानंतर सभापती ओम बिर्ला यांनी प्रश्नोत्तराचा तास सुरु केला. त्यानंतर विरोधकांनी हौद्यात उतरुन किमान आधारभूत किंमतीबाबत जोरदार घोषणाबाजी केली. या गोंधळामुळे सभागृहाचं कामकाज १२ वाजेपर्यंत स्थगित करण्यात आलं. त्यानंतर दुपारी १२ वाजता सभागृहाचं कामकाज पुन्हा सुरु झालं. यावेळी ३ कृषी कायदे मागे घेणारं विधेयक केंद्रिय कृषी मंत्री नरेंद्र सिंग तोमर यांनी सभागृहापुढे ठेवलं. या विधेयकावर चर्चा करण्याची मागणी करत गोंधळ घालायला सुरुवात केली. या गोंधळातच हे विधेयक संमत करण्यात आलं. हा गोंधळ वाढल्यावर पुन्हा सभागृहाचं कामकाज २ वाजेपर्यंत स्थगित करण्यात आलं.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image