देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला

 

नवी दिल्ली (वृत्तसंस्था) : देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटी 41 लाख मात्रा देण्यात आल्या. काल 42 लाख 4 हजार मात्रा देण्यात आल्या. काल 8 हजार 309 नव्या कोरोना बाधितांची नोंद झाली. देशात सध्या 1 लाख 3 हजार 859 कोविड रुग्ण उपचाराधीन आहेत. सक्रीय रुग्णांची संख्या एकूण कोविड बाधित रुग्णसंख्येच्या एक टक्क्याहून कमी असून मार्च 2020 पासूनचे हे सर्वात कमी प्रमाण आहे. रुग्ण बरे होण्याचा दर सध्या 98 पूर्णांक 34 शतांश टक्के असून मार्च 2020 पासूनचा सर्वात उच्चांकी दर आहे. काल 9 हजार 905 रुग्ण कोरोनामुक्त झाल्यामुळे आता बरे झालेल्यांची एकूण संख्या वाढून 3 कोटी 40 लाख 8 हजार 183 झाली आहे. साप्ताहिक पॉझिटीव्हिटी दर 85 शतांश टक्के असून गेले 15 दिवस हा दर एक टक्क्यांहून कमी आहे. कोविड दैनंदिन पॉझिटीव्हिटी दर एक पूर्णांक 9 शतांश टक्के असून  गेले 56 दिवस हा दर दोन टक्क्याहून कमी आहे. आतापर्यंत कोविड संसर्ग तपासणीच्या एकूण 64 कोटी 2 लाख चाचण्या करण्यात आल्या असल्याची माहिती आरोग्य मंत्रालयानं दिली आहे. कोरोनामुळे मृत्युमुखी पडलेल्यांची संख्या 4 लाख 68 हजार 790 झाली असून गेल्या 24 तासात 236 बाधितांचा मृत्यू झाला. 

 

 

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image