देशभरात कोविड १९ प्रतिबंधक लशीच्या सुमारे ९४ कोटी ७० लाख मात्रा लाभार्थ्यांना दिल्याची केंद्रीय आरोग्य मंत्रालयाची माहिती

 

नवी दिल्ली (वृत्तसंस्था) : देशात आतापर्यंत कोविड प्रतिबंधक लशीच्या ९४ कोटी ७० लाखापेक्षा जास्त मात्रा लाभार्थ्यांना दिल्या आहेत. काल ६६ लाख ८५ हजार नागरिकांना लस दिल्याचं केंद्रीय आरोग्य मंत्रालयानं सांगितलं. देशातला कोविड १९ चे रुग्ण बरे होण्याच दर ९८ टक्क्यांच्या जवळ पोचला आहे. देशभरात काल कोविड १९ चे २३ हजारापेक्षा जास्त रुग्ण बरे होऊन घरी गेले. आतापर्यंत ३ कोटी ३२ लाखापेक्षा जास्त रुग्णांनी कोरोनावर मात केली आहे.त्यामुळे कोरोनामुक्तीचा दर ९७ पूर्णांक ९९ शतांश टक्के झाला आहे. काल १८ हजारापेक्षा जास्त नवे रुग्ण आढळले, तर २१४ रुग्णांचा मृत्यू झाला. देशभरात सध्या २ लाख ३० हजारापेक्षा जास्त एक्टिव रुग्ण असून त्यांच्यावर उपचार सुरु आहे.