पाणबुडीवरून डागता येणाऱ्या नवीन क्षेपणास्त्राची उत्तर कोरियाद्वारे चाचणी
• महेश आनंदा लोंढे
नवी दिल्ली (वृत्तसंस्था) : उत्तर कोरियाने पाणबुडीवरून डागता येईल अशा नव्याने विकसित केलेल्या क्षेपणास्त्राची चाचणी केल्याच्या वृत्ताला दुजोरा दिला आहे. गेल्या दोन वर्षातलं अशा प्रकारचं हे उत्तर कोरियाचं पहिलंच शस्त्र आहे. काल दक्षिण कोरियाच्या लष्कराने जपानच्या किनाऱ्याजवळ एक शस्त्रास्त्र चाचणी झाल्याचं नोंदवलं होतं. या क्षेपणास्त्रात अत्याधुनिक नियंत्रण यंत्रणा असल्याची माहिती उत्तर कोरियाने दिली आहे. या चाचणीमुळे देशाची संरक्षण यंत्रणा नव्या उंचीवर पोहोचेल आणि पाण्याच्या खालून काम करण्याच्या नौदलाच्या क्षमतेत वाढ होईल असंही त्यांनी म्हटलं आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.