राज्यात बहुतांश भागात पावसाचा जोर वाढला, कोकण, पश्चिम महाराष्ट्रात अतिवृष्टी होण्याचा हवामान विभागाचा इशारा

 

मुंबई (वृत्तसंस्था) : राज्यात कालपासून पावसाचा जोर वाढला आहे. काल कोकणात सर्वत्र, विदर्भात अनेक ठिकाणी, मध्य महाराष्ट्रात काही तर मराठवाड्यात तुरळक ठिकाणी पाऊस पडेल, असा अंदाज वर्तवण्यात आला होता. प्रत्यक्षात कोकण आणि विदर्भात सर्वत्र तर मध्य महाराष्ट्रात अनेक ठिकाणी दमदार पाऊस झाला. मराठवाड्यात मात्र पावसाची हजेरी तुरळक ठिकाणीच होती. सकाळपर्यंतच्या २४ तासात राज्यात सर्वाधिक गडचिरोलीत १०० मिलिमीटर पावसाची नोंद झाली तर त्या खालोखाल ८० मिलिमीटर पावसाची नोंद पुण्यात झाली. आजही राज्यात पावसाचा जोर काहीसा असाच राहील, असा हवामान विभागाचा अंदाज आहे. येत्या दोन दिवसात मराठवाड्यातही सर्वत्र पाऊस अपेक्षित आहे. कोकण, मध्य महाराष्ट्र आणि विदर्भात काही ठिकाणी मुसळधार वृष्टी होऊ शकते. कोकणात तुरळक ठिकाणी अतिवृष्टीचा इशाराही हवामान विभागानं दिला आहे.

Popular posts
विधानभवनाच्या प्रवेशद्वारावरच्या पायऱ्यांवर आंदोलन करायला, आणि प्रसारमाध्यमांनी तिथे चित्रीकरण करायला बंदी घालावी - जयंत पाटील
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला
Image
राज्यात आतापर्यंत ६४ लाख ५६ हजार ९३९ जणांना कोरोनाची लागण
Image