पेगॅसस हेरगिरी प्रकरणी चौकशी करण्यासाठी सर्वोच्च न्यायालय तांत्रिक तज्ञ समिती स्थापन करणार

 

नवी दिल्ली (वृत्तसंस्था) : पेगॅसस हेरगिरी प्रकरणी चौकशी करण्यसाठी एक तांत्रिक तज्ञ समिती स्थापन करणार असल्याचं सर्वोच्च न्यायालयानं आज सांगितलं. या प्रकरणी स्वतंत्र चौकशीची मागणी करणाऱ्या याचिकांवर पुढच्या आठवड्यात आदेश दिला जाईल,असंही न्यायालयाने सांगितले.हा आदेश आधीच द्यायचा होता, मात्र तांत्रिक तज्ञ समितीच्या सदस्यांची नावे पुढच्या आठवड्यापर्यंत निश्चित करता येतील. त्यानंतर आदेश जारी केला जाईल, असं सरन्यायाधीश एन व्ही रामण्णा यांच्या पीठाने सांगितलं.