कोरोना प्रतिबंधक लसीकरण मोहिमेत महाराष्ट्रानं नोंदवला नवा विक्रम

 

मुंबई (वृत्तसंस्था) :कोरोना प्रतिबंधक लसीकरण मोहिमेत काल १२ लाखापेक्षा जास्त नागरिकांचं लसीकरण करून महाराष्ट्रानं नवा विक्रम नोंदवला आहे. काल १२ लाख ६ हजार ३२७ जणांना लस दिल्याचं राज्य शासनाच्या प्रसिद्धिपत्रकात म्हटलं आहे. लसीकरण कार्यक्रमातला हा आजपर्यंतचा विक्रम असून आरोग्य यंत्रणेतल्या सर्व घटकांच्या परिश्रमाचं हे फलित आहे, असं सार्वजनिक आरोग्य विभागाचे अतिरिक्त मुख्य सचिव डॉ. प्रदीप व्यास यांनी सांगितलं. राज्यात आतापर्यंत कोविड प्रतिबंधक लशींच्या एकूण ६ कोटी १५ लाखापेक्षा जास्त मात्र देण्यात आल्या आहेत. त्यात दोन्ही मात्रा देण्यात महाराष्ट्र देशात प्रथम क्रमांकावर आहे. कोविड प्रतिबंधक लसीकरणाच्या एकत्रित अहवालानुसार राज्यात आतापर्यंत १ कोटी ७१ लाख जणांना दोन्ही मात्रा दिल्या आहेत.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image