कुलाबा-वांद्रे-सीप्झ मेट्रो-३ च्या भुयारीकरणाचा ३९ वा टप्पा पूर्ण

 

मुंबई (वृत्तसंस्था) : मुंबई मेट्रो रेल कॉर्पोरेशनद्वारे कुलाबा-वांद्रे-सीप्झ मेट्रो-३ च्या महालक्ष्मी मेट्रो स्थानकावर भुयारीकरणाचा ३९ वा टप्पा पूर्ण झाला आहे. सायन्स म्यूझियम मेट्रो स्थानक ते महालक्ष्मी मेट्रो स्थानक हा अप-लाईन मार्गाचा १ हजार ११७ मीटरपेक्षा जास्त लांबीचा भुयारीकरणाचा टप्पा २५७ दिवसात पूर्ण केल्याचे मुंबई मेट्रो रेल कॉर्पोरेशनचे व्यवस्थापकीय संचालक रणजित सिंह देओल यांनी सांगितले. मेट्रो-३ मार्गिकेतल्या पॅकेज-३ मध्ये पाच स्थानके असून हा या मार्गिकेतला सर्वात लांब टप्पा आहे. या अंतर्गत मुंबई सेंट्रल, महालक्ष्मी, सायन्स म्यूझियम, आचार्य अत्रे चौक आणि वरळी मेट्रो स्थानकांचा समावेश आहे. आतापर्यंत या पॅकेज अंतर्गत भुयारीकरणाचे तीन टप्पे पूर्ण झाले आहेत. आतापर्यंत मेट्रो-३ प्रकल्पाचे साडे शहाण्णव टक्के, म्हणजे ५२ किलोमीटर पेक्षा जास्त भुयारीकरण पूर्ण झाले आहे. 

 

 

Popular posts
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
पेटंट, डिझाईन, कॉपीराईट आणि ट्रेडमार्क वितरीत करण्यासाठी केलेल्या सुधारणांबद्दल पियुष गोयल यांच्याकडून समाधान व्यक्त
Image
कीटकनाशके कृषि विक्रेत्यांकरीता प्रमाणपत्र अभ्यासक्रम
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
महाराष्ट्रात रुग्ण बरे होण्याचं प्रमाण ९७ पूर्णांक ६८ शतांश टक्के
Image