वरळी येथील लसीकरण शिबिरांना मंत्री आदित्य ठाकरे यांची भेट
• महेश आनंदा लोंढे
मुंबई : वरळी कोळीवाडा येथील कोळी भवनमध्ये आयोजित कोविड लसीकरण शिबिरास पर्यावरणमंत्री आदित्य ठाकरे यांनी आज भेट दिली. त्याचबरोबर वरळी सी फेस म्युनिसिपल शाळेत पोलीस बांधवांच्या परिवारासाठी आयोजित लसीकरण केंद्रासही भेट देऊन पाहणी केली.
कोळी भवन येथे या परिसरातील कोळी बांधवांसाठी शिबीर आयोजित करण्यात आले असून वरळी म्युनिसिपल शाळेत पोलिसांच्या कुटुंबियांना व परिसरातील नागरिकांना लस उपलब्ध केली जाणार आहे. मुंबई महानगरपालिकेच्या माध्यमातून आनंद राठी आणि ‘लिव्ह टू गिव्ह फाऊंडेशन’ आणि सुराना हॉस्पिटलच्या सौजन्याने हे शिबीर आयोजित करण्यात आले आहे. या शिबिरांमध्ये सुमारे पंधराशे जणांचे लसीकरण केले जाणार आहे.
यावेळी मुंबईच्या महापौर किशोरी पेडणेकर, माजी मंत्री सचिन अहिर, माजी आमदार सुनील शिंदे, पोलीस उपायुक्त परमजित सिंह दहिया, महानगरपालिकेचे सहायक आयुक्त शरद उघडे आदी उपस्थित होते.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.