मुंबईत पावसामुळे झालेल्या तीन दुर्घटनांमधे २४ जणांचा मृत्यू

 

मुंबई (वृत्तसंस्था) : मुंबईत काल रात्रभर सुरु असलेल्या विविध ठिकाणी झालेल्या वेगवेगळ्या दुर्घटनांमधे २४ जणांचा मृत्यू झाला. तर, ७ जण जखमी झाले. चेंबूर इथं भिंत कोसळून १६ जणांचा मृत्यू झाला तर, ५ जण जखमी झाले. विक्रोळी इथं पावसामुळे झोपड्यांवर दरड कोसळल्यानं ८ जणांचा मृत्यू झाला तर, एकजण जखमी झाला. भांडुपमध्येही भिंत कोसळून एकाचा मृत्यू झाल्याचं वृत्त आहे. चांदवली इथं अशाच दुर्घटनेत २ जण जखमी झालेत. या दुर्घटनांबाबत राष्ट्रपती रामनाथ कोविंद आणि प्रधानमंत्री नरेंद्र मोदी यांनी शोक व्यक्त केला आहे.प्रधानमंत्री राष्ट्रीय मदत निधीतून दुर्घटनेतल्या मृतांच्या कुटुंबांना प्रत्येकी दोन लाख, तर जखमींना प्रत्येकी ५० हजार रुपयांच्या मदतीची घोषणा करण्यात आली आहे.मुख्यमंत्री उद्धव ठाकरे आणि उपमुख्यमंत्री अजित पवार यांनीही तीव्र दु:ख व्यक्त केलं आहे. मुख्यमंत्र्यांनी पालिका आयुक्तांकडून बचाव कार्याची माहिती घेतली.मृतांच्या वारसांना शासनाकडून प्रत्येकी ५ लाख रुपये देण्याचं तसंच जखमींवर मोफत उपचार करायचंही मुख्यमंत्र्यांनी जाहीर केलं आहे. मदत आणि पुनवर्सन मंत्री विजय वडेट्टीवार यांनी ही माहिती दिली.

Popular posts
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
पेटंट, डिझाईन, कॉपीराईट आणि ट्रेडमार्क वितरीत करण्यासाठी केलेल्या सुधारणांबद्दल पियुष गोयल यांच्याकडून समाधान व्यक्त
Image
कीटकनाशके कृषि विक्रेत्यांकरीता प्रमाणपत्र अभ्यासक्रम
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
महाराष्ट्रात रुग्ण बरे होण्याचं प्रमाण ९७ पूर्णांक ६८ शतांश टक्के
Image