कोरोना प्रतिबंधक लसींच्या आजवर 39 कोटी 53 लाखांहून अधिक मात्रा देण्यात आल्या
• महेश आनंदा लोंढे
नवी दिल्ली (वृत्तसंस्था) : देशात आज सकाळी संपलेल्या चोवीस तासात 38 हजार 949 नवीन कोरोनाबाधितांची नोंद झाली. कालच्या तुलनेत ही संख्या 3 हजारांनी कमी आहे. या आजारातून 40 हजार 26 जण या कालावधीत बरे झाले. या कालावधीत कोविड-19 मुळे 542 जणांच्या मृत्युची नोंद झाली. उपचाराधीन रुग्णांची संख्याही थोडी घटली असून सध्या देशात 4 लाख 30 हजार 422 कोरोना रुग्णांवर उपचार सुरु आहेत. बरे झालेल्या रुग्णांचं प्रमाण 97 पूर्णांक 28 शतांश टक्के आहे. कोविड-19 मुळे देशात दगावलेल्यांची एकंदर संख्या 4 लाख 12 हजार 531 झाली आहे. देशात कोरोना प्रतिबंधक लसींच्या आजवर 39 कोटी 53 लाखांहून अधिक मात्रा देण्यात आल्या आहेत. काल दिवसभरात 38 लाख 78 हजारांहून अधिक लसींच्या मात्रा देण्यात आल्याचं आरोग्य मंत्रालयानं म्हटलं आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.