पुण्यातील जम्बो कोविड रुग्णालय बंद करण्याचा निर्णय तूर्तास स्थगित

 

पुणे (वृत्तसंस्था) : पुण्यातील सी ओ ई पी मैदानावरील जम्बो कोविडवरील उपचार रुग्णालय बंद करण्याचा निर्णय तूर्तास स्थगित करण्यात आला आहे. अतिरिक्त आयुक्त रूबल अग्रवाल यांनी ही माहिती दिली.

याठिकाणी सध्या ४५ रुग्णांवर उपचार सुरू असल्याने आणखी एक ते दोन आठवडे हे रुग्णालय नवीन रूग्णांना प्रवेश न देता सुरूच ठेवलं जाणार आहे. तर, अतिदक्षता विभागातील ५० खाटा कार्यान्वित ठेवण्यात येणार आहेत. शहरातील कोरोना रुग्णसंख्या घटल्याने तसेच नवीन रुग्णही दाखल होणे बंद झाल्यानं महापालिकेनं १ जून रोजी या रुग्णालयातील ३०० ऑक्सिंजन खाटा कमी केल्या होत्या. त्यानंतर आणखी १०० खाटा कमी करण्यात आल्या होत्या.