२ दिवसात वादळग्रस्तांच्या नुकसान भरपाईचा निर्णय घेतला जाईल, मुख्यमंत्र्यांचं आश्वासन

 

मुंबई (वृत्तसंस्था) : मुख्यमंत्री उद्धव ठाकरे यांनी रत्नागिरी आणि सिंधुदुर्ग जिल्ह्याची पाहणी करुन नुकसानीचा आज आढावा घेतला. कोकणवासीयांना सरकार वाऱ्यावर सोडणार नाही. २ दिवसात पंचनामे पूर्णकरुन मदतीसंदर्भात निर्णय घेतला जाईल, असे ते म्हणाले.

नुकसान भरपाईसाठी केंद्रसरकारचे निकष लावून कोकणवासीयांना मदत करु. असे सांगून ठाकरे म्हणाले की, पंचनाम्याची प्रक्रिया अंतिम टप्प्यात आहे. ती पुर्ण होताच मदतीसंदर्भात निर्णय घेतला जाईल.

तौक्तेवादळाने झालेल्या नुकसानीची पाहणी करण्यासाठी तसेच आढावा घेण्यासाठी त्यांनी आज सकाळीरत्नागिरीत बैठक घेतली. पालकमंत्री अनिल परब, उच्च आणितंत्रशिक्षण मंत्री उदय सामंत, जिल्हाधिकारी लक्ष्मीनारायणमिश्रा आणि अन्य वरिष्ठ अधिकारी बैठकीला उपस्थित होते.

जिल्ह्यातल्या २ तालुक्यांनावादळाचा फटका सर्वात जास्त बसला असून घरे, फळबागा आणि पशुधनाचे नुकसान मोठ्या प्रमाणावर झाले आहे. याबाबतची माहिती यावेळी अधिकाऱ्यांनी दिली. जिल्ह्यातल्या कोविड विषयक कामांचा आढावा मुख्यमंत्र्यांनी घेतला.

जिल्हा पोलिसांतर्फे उभारण्यात आलेल्या सुसज्ज कोविड केअर सेंटरचे ई-उद्घाटनही केले. सिंधुदुर्ग जिल्ह्यात मुख्यमंत्री उद्धव ठाकरे यांनी मालवणला भेट दिली. किनारपट्टीच्या भागात कायमस्वरुपी उपाययोजना करणे गरजेचे असून त्याकरता केंद्रसरकारने पुढाकार घ्यावा असे आवाहन त्यांनी केले.

कोविडशी सामना करत असताना नवीन ऑक्सीजन प्लान्ट तयार करण्यात येत असून बेड्सची संख्याही वाढवण्यातयेत आहे, असं त्यांनी सांगितलं. लसीकरणानंतरही मास्क वापरणं गरजेचंच असून नियमपाळले तरच नुकसान कमी होईल असं त्यांनी स्पष्ट केलं.

Popular posts
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
देशातील कोरोनाच्या नव्या लाटेवर पुन्हा त्रिसूत्रीचा अवलंब करा - प्रधानमंत्री
Image
राज्यात आतापर्यंत ५९ लाख ५२ हजार १९२ रुग्ण कोरोनामुक्त
Image
पुणे जिल्ह्यात 540 खाजगी हॉस्पिटल्सना 32 हजार 61 रेमडिसिव्हीर इंजेक्शन्सच्या व्हायल्सचे वितरण - जिल्हाधिकारी डॉ. राजेश देशमुख
Image
१८ वर्षांवरील सर्वांसाठी कोरोना प्रतिबंधक लसीकरण नोंदणीला आजपासून आरंभ
Image