देशात कोविड रुग्ण आढळण्याचा दर ११ पूर्णांक ३४ शतांश टक्के

 

नवी दिल्ली (वृत्तसंस्था) : देशात कोविडचे नवे रुग्ण आढळण्याचा दर आता ११ पूर्णांक ३४ शतांश टक्क्यांपर्यंत खाली आला आहे. १० मे रोजी हा दर २४ पूर्णांक ८३ शतांश टक्के होता. १४ दिवसात त्यात ५५ टक्के घट झाली आहे.

गेले ७ दिवस सलग नव्या बाधितांची संख्या ३ लाखापेक्षा कमी होती. काल ती सर्वात कमी २ लाख ४० हजार इतकी नोंदली गेली. सक्रीय रुग्णांची संख्या ही २८ लाख ५ हजार ३९९ पर्यंत कमी झाली असून ती एकूण बाधितांच्या प्रमाणात १० पूर्णांक ५७ शतांश टक्के आहे.

रुग्णांचा बरे होण्याचा दर ८८ पूर्णांक 3 दशांश टक्के इतका सुधारला आहे. देशभरात काल एका दिवसात विक्रमी २१ कोटी २३ लाख चाचण्या करण्यात आल्या.केंद्रसरकारने प्रसिद्ध केलेली ताजी आकडेवारी सांगते की कोविड प्रतिबंधक लशीच्या २१ कोटी ८० लाख मात्रा राज्य आणि केंद्रशासित प्रदेशांना पुरवण्यात आल्या आहेत.

त्यातल्या २० कोटी वापरल्या गेल्या असून अद्याप १ कोटी ८० लाख मात्रा शिल्लक आहेत. येत्या ३ दिवसात आणखी ४८ लाख मात्रांचा पुरवठा करण्यात येईल असं केंद्र सरकारने म्हटलं आहे.

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image
एमजीने नवी ‘हेक्टर २०२१’ लाँच केली
Image