कुंभमेळ्यासाठी जाऊन आलेल्या साधू-महंताना १४ दिवस गृह विलगीकरण ठेवावं- त्रंबकेश्वर नगरपालिका

 

मुंबई (वृत्तसंस्था) : हरिद्वार इथं कुंभमेळ्यासाठी जाऊन आलेल्या साधू-महंताना चौदा दिवस गृह विलगीकरण ठेवावं यासाठी त्रंबकेश्वर नगरपालिकेनं दहा आखड्यांना नोटिसा बजावल्या आहेत.

त्रंबकेश्वर इथं दहा शैव आखाडे आणि अनेक आश्रम असून त्यातले अनेक साधू-महंत हरिद्वारला कुंभमेळ्यासाठी गेले होते. त्यांची यादी त्रंबकेश्वर नगरपालिकेनं मागवली आहे. परतलेल्या साधूंनी आधी कोविड चाचणी करावी, आणि नंतर गृह विलगिकरणात राहावं, असं न करता ते रस्त्यावर फिरताना आढळले तर कारवाई करण्याचा इशारा नगरपालिकेनं दिला आहे.