देशभरात कोरोना लस उत्पादन करू शकणाऱ्या संस्थांना पाठबळ देण्याची पंतप्रधानांची घोषणा
• महेश आनंदा लोंढे
नवी दिल्ली (वृत्तसंस्था) : देशभरात सर्व राज्यांमध्ये लस उत्पादन करू शकणाऱ्या संस्थांना पाठबळ तसेच प्रोत्साहन देण्यात येईल, असे पंतप्रधान नरेंद्र मोदी यांनी जाहीर केले. ते काल सर्व राज्यांच्या मुख्यमंत्र्यांशी दूरदृश्य संवाद प्रणालीच्या माध्यमातून बोलत होते.
महाराष्ट्राचे मुख्यमंत्री उद्धव ठाकरे यांनी या बैठकीत, हाफकिन संस्थेला लस उत्पादन करण्याची मान्यता मिळावी, अशी विनंती केली. त्यावर पंतप्रधानांनी, संपूर्ण देशभरात अशा संस्थांना पाठबळ देण्याचे जाहीर केले.
गेल्या आठवडाभरात देशातल्या ७० जिल्ह्यात कोरोना संसर्गाचे प्रमाण दीडशे टक्क्यांनी वाढल्याकडे लक्ष वेधत, कोरोना संसर्गाची दुसरी लाट थोपवण्यासाठी, आवश्यक उपाययोजना करण्याचे निर्देश पंतप्रधानांनी यावेळी दिले.
कोविडविरोधातल्या लढाईत आजवर मिळालेले यश, थोड्याशा बेजबाबदारपणामुळे हातातून निसटून जायला नको, असे पंतप्रधान म्हणाले.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.