माहिती तंत्रज्ञान क्षेत्र भारतीय अर्थव्यवस्थेचा मुख्य आधारस्तंभ असल्याचं प्रधानमंत्र्यांचं प्रतिपादन

 

नवी दिल्ली (वृत्तसंस्था) : माहिती तंत्रज्ञान क्षेत्र भारतीय अर्थ व्यवस्थेचा एक मुख्य आधारस्तंभ आहे; कोरोना टाळेबंदीमुळे जेव्हा संपूर्ण देश चार भिंतींच्या आत जखडून गेला होता तेव्हा आय टी क्षेत्रातल्या प्रतिभावंतांनी आपलं योगदान सुरू ठेवत अर्थव्यवस्थेला हातभार लावला अशा शब्दात प्रधानमंत्री नरेंद्र मोदी यांनी माहिती तंत्रज्ञान क्षेत्रात काम करणाऱ्या सर्वांचा गौरव केला.

नॅसकॉम टेक्नॉलॉजी अॅण्ड लीडरशिप फोरमला काही वेळापूर्वी संबोधित करताना मोदी म्हणाले की कोविड साथीच्या या कठीण काळात संपूर्ण जग भारताकडे अत्यंत विश्वासाने पाहत आहे. हा नवा भारत आणखी विकास, आणखी प्रगतीसाठी उत्सुक आहे.

नॅसकॉमची ही २९वी परिषद येत्या १९ तारखेपर्यंत सुरू राहणार आहे. राष्ट्रीय सॉफ्टवेअर कंपनी असलेल्या नॅसकॉमचा हा एक महत्त्वाचा उपक्रम आहे. 'Shaping the future towards a better normal' अर्थात "नव्यानं पूर्वपदावर येण्यासाठी भविष्यनिर्माण" ही यंदाच्या परिषदेची संकल्पना आहे.

या परिषदेत ३० पेक्षा जास्त देशांचे १६०० प्रतिनिधी सहभागी झाले आहेत. तीन दिवस चालणाऱ्या या परिषदेत ३० हून अधिक उत्पादने सादर केली जाणार आहेत.   

 

 

Popular posts
स्टडी ग्रूपची टीसाइड युनिव्हर्सिटीशी हातमिळवणी
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image