कोविड लसीकरणाच्या पार्श्वभूमीवर पंतप्रधानांची आज सर्व राज्यांच्या मुख्यमंत्र्यांसोबत बैठक

 

नवी दिल्ली (वृत्तसंस्था) : येत्या १६ तारखेपासून देशभरात सुरू होणाऱ्या कोविड लसीकरणाच्या पार्श्वभूमीवर पंतप्रधान नरेंद्र मोदी आज दूरदृष्य संवाद यंत्रणेच्या माध्यमातून सर्व राज्यांच्या मुख्यमंत्र्यांशी संवाद साधणार आहेत.

विविध राज्यांमधली कोविडस्थिती तसंच लसीकरणीच्या तयारीबाबत या बैठकीत आढावा घेतला जाणार आहे.

दरम्यान, केंद्रीय आरोग्य मंत्रालयानं काल विविध राज्य आणि केंद्रशासीत प्रदेशातल्या प्रशासकीय अधिकाऱ्यांशी दूरदृष्य संवाद यंत्रणेच्या माध्यमातून कोव्हिन अॅपसंदर्भात चर्चा केली.

सर्व राज्यांचे प्रधान सचिव, राष्ट्रीय आरोग्य मोहिमेचे मोहीम संचालक, आणि इतर अधिकारी या बैठकीत सहभागी झाले होते.