पहिल्या टप्प्यातल्या कोविड लसीकरणासाठी राज्यात ८ लाख आरोग्य कर्मचाऱ्यांची नोंदणी

 

नवी दिल्ली (वृत्तसंस्था) : १६ जानेवारी रोजी होणाऱ्या कोविड लसीकरणाच्या पहिल्या टप्प्यात, लसीकरणासाठी राज्यात सुमारे ८ लाख आरोग्य कर्मचाऱ्यांची नोंदणी झाली असून, राज्यात ३५८ केंद्रांच्या माध्यमातून, पहिल्या दिवशी सुमारे ३५ हजार आरोग्य कर्मचाऱ्यांना लस देण्यात येईल. आरोग्य मंत्री राजेश टोपे यांनी ही माहिती दिली.

१६ जानेवारीला पंतप्रधान नरेंद्र मोदी यांच्या हस्ते देशव्यापी लसीकरणाचा शुभारंभ करण्यात येणार असून, जालना जिल्हा रुग्णालय आणि मुंबईतलं कुपर रुग्णालय, या दोन ठिकाणी दूरदृश्य संवाद यंत्रणेच्या माध्यमातून पंतप्रधान संवाद साधणार असल्याचं आरोग्य मंत्र्यांनी सांगितलं.

राज्याला कोविड लसीचे नऊ लाख ६३ हजार डोस प्राप्त झाले असून, दर दिवशी वीस ते पंचवीस हजार जणांना लस देण्यात येणार असल्याची माहिती त्यांनी दिली. घाबरुन न जाता सगळ्यांनी लस घेण्याचं आवाहन टोपे यांनी केलं आहे.

 

 

Popular posts
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
पेटंट, डिझाईन, कॉपीराईट आणि ट्रेडमार्क वितरीत करण्यासाठी केलेल्या सुधारणांबद्दल पियुष गोयल यांच्याकडून समाधान व्यक्त
Image
कीटकनाशके कृषि विक्रेत्यांकरीता प्रमाणपत्र अभ्यासक्रम
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
महाराष्ट्रात रुग्ण बरे होण्याचं प्रमाण ९७ पूर्णांक ६८ शतांश टक्के
Image