देशाचा कोविड रुग्ण बरे होण्याचा दर वाढून ९६ पूर्णांक ३२ शतांश टक्के

 

नवी दिल्ली (वृत्तसंस्था) : देशाच्या कोविड-१९ चे रुग्ण बरे होण्याच्या दरात आणखी वाढ होऊन तो आता ९६ पूर्णांक ३२ शतांश टक्के झाला आहे. गेल्या २४ तासात एकंदर २९ हजार ९१ रुग्ण बरे झाल्यामुळे देशातील आतापर्यंत बरे झालेल्या कोविड रुग्णांची एकूण संख्या आता ९९ लाख ७५ हजार ९५८ वर पोहोचली आहे.

सध्या जवळपास २ लाख ३१ हजार कोरोनाबाधितांवर विविध ठिकाणी उपचार सुरू आहेत. सध्या उपचार सुरू असलेल्या बाधितांचे प्रमाण एकूण बाधितांच्या संख्येच्या तुलनेत २ पूर्णांक २३ शतांश टक्के इतकेच  असल्याची माहिती आज केंद्रीय आरोग्य मंत्रालयातर्फे देण्यात आली.  

काल दिवसभरात एकूण १६ हजार ३७५ नवे कोरोनाबाधित आढळल्याने देशात आतापर्यंत आढळलेल्या कोरोनाबाधितांची एकूण संख्या आता १ कोटी ३ लाख ५६ हजार झाली आहे.

गेल्या २४ तासात २०१ कोविड रुग्णांच्या मृत्यूची नोंद झाली. देशात आतापर्यंत एकंदर एक लाख ४९ हजार ५० कोविड रुग्णांचा मृत्यू झाला आहे. भारताचा कोविडचा मृत्यूदर सध्या जगातील सर्वात कमी मृत्यू दरांपैकी असून तो १ पूर्णांक ४५ शतांश टक्के इतका आहे.

दरम्यान, गेल्या २४ तासात देशात कोविडच्या निदानासाठी ८,९६,००० जास्त चाचण्या करण्यात आल्याचे भारतीय वैद्यक संशोधन परिषदेने म्हटले आहे.

Popular posts
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
पेटंट, डिझाईन, कॉपीराईट आणि ट्रेडमार्क वितरीत करण्यासाठी केलेल्या सुधारणांबद्दल पियुष गोयल यांच्याकडून समाधान व्यक्त
Image
कीटकनाशके कृषि विक्रेत्यांकरीता प्रमाणपत्र अभ्यासक्रम
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
महाराष्ट्रात रुग्ण बरे होण्याचं प्रमाण ९७ पूर्णांक ६८ शतांश टक्के
Image