दहावी आणि बारावीच्या परीक्षा २३ आणि २९ एप्रिलपासून

 

मुंबई (वृत्तसंस्था) : माध्यमिक आणि उच्च माध्यमिक शालांत प्रमाणपत्र परीक्षा अनुक्रमे,येत्या २३ आणि २९ एप्रिलला घेण्यात येणार असल्याची घोषणा शालेय शिक्षणमंत्री वर्षा गायकवाड यांनी आज मुंबई इथं केली.त्या मंत्रालयात आयोजित वार्ताहर परिषदेत बोलत होत्या.

गायकवाड पुढे म्हणाल्या, इयत्ता १२ वी ची प्रात्यक्षिक परीक्षा १ एप्रील ते २२ एप्रिल दरम्यान होणार असून लेखी परीक्षा २३ एप्रिल ते २९ मे २०२१ या दरम्यान घेण्यात येईल.या परीक्षेचा निकाल अंदाजे जुलै २०२१ च्या शेवटच्या आठवड्यात जाहीर करण्यात येईल.

इयत्ता दहावीच्या प्रात्यक्षिक परीक्षा ९ एप्रिल ते २८ एप्रिल या दरम्यान होतील तर लेखी परीक्षा २९ एप्रिल २०२१ ते ३१ मे २०२१ या कालावधीत घेण्यात येतील. या परीक्षेचा निकाल ऑगस्ट २०२१ च्या शेवटच्या आठवड्यात जाहीर करण्यात येईल.

कोविड-१९ च्या संदर्भात केंद्र आणि राज्य शासन तसंच आरोग्य विभागानं वेळोवेळी निर्गमित केलेल्या मार्गदर्शक सूचनांचं काटेकोरपणे पालन करण्याचे निर्देश अवलंबून परीक्षा आयोजित करण्यास मान्यता देण्यात येत आहे.

Popular posts
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
पेटंट, डिझाईन, कॉपीराईट आणि ट्रेडमार्क वितरीत करण्यासाठी केलेल्या सुधारणांबद्दल पियुष गोयल यांच्याकडून समाधान व्यक्त
Image
कीटकनाशके कृषि विक्रेत्यांकरीता प्रमाणपत्र अभ्यासक्रम
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
महाराष्ट्रात रुग्ण बरे होण्याचं प्रमाण ९७ पूर्णांक ६८ शतांश टक्के
Image