थकीत वस्तू आणि सेवाकराच्या भरपाईपोटी केंद्रीय अर्थ मंत्रालयाकडून ६ हजार कोटी रुपयांचा आठवा हप्ता वितरीत
• महेश आनंदा लोंढे
नवी दिल्ली (वृत्तसंस्था) : थकीत वस्तू आणि सेवाकराच्या भरपाईपोटी केंद्रीय अर्थ मंत्रालयानं सहा हजार कोटी रुपयांचा आठवा हप्ता वितरीत केला आहे. यापैकी ५ हजार ५१६ कोटी रुपये २३ राज्यांसाठी तर ४८३ कोटी रुपये दिल्लीसह जम्मू-काश्मीर आणि पुद्दुचेरी या केंद्रशासित प्रदेशांना मिळणार आहे. अरुणाचल प्रदेश, मणिपूर, मिझोराम, नागालँड आणि सिक्कीम या पाच राज्यांत जीएसटी भरपाईची थकबाकी नाही.
राज्यांना द्यायच्या एक लाख दहा हजार कोटी रुपयांच्या अंदाजित निधीची पूर्तता करण्यासाठी केंद्र सरकारकडून राज्यसरकारांसाठी विशेष कर्ज प्रणाली उभारण्यात आली असून सध्या वितरित केलेल्या आठव्या हप्त्यासाठी केंद्रानं ४ पूर्णांक १९ टक्के दरानं कर्ज घेतलं आहे. तर आत्तापर्यंत एकूण ४८ हजार कोटींची रक्कम सरासरी ४ पूर्णांक ६९ टक्के व्याजानं घेतली आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.