पत्रिपुलावर ७६.६७ मीटर लांबीच्या गर्डरचे लॉंचिंग सुरू

 

मुंबई (वृत्तसंस्था) : कल्याण पूर्व पश्चिम जोडणाऱ्या पत्रिपुलावर  76.67 लांबीचा गर्डर बसविण्याचे काम आजपासून सुरू करण्यात आले असून आज 40 मीटर लांबीचा गर्डर पुश थ्रू पद्धतीने सरकवण्यात आला तर उर्वरित 34 मीटर लांबीचा गर्डर उद्या रविवारी बसविला जाणार आहे .

या कामाची पर्यावरणमंत्री आदित्य ठाकरे यांनी नगरविकास मंत्री एकनाथ शिंदे, खासदार डॉ श्रीकांत शिंदे यांच्या समवेत पाहणी केली. यावेळी आदित्य ठाकरे यांनी  महाविकास आघाडी सरकारच्या माध्यमातून राज्यभर विकासाची कामे सुरू असल्याचे सांगितले.

खासदार डॉ श्रीकांत शिंदे सुरुवाती पासून पुलाचे काम वेगाने व्हावे यासाठी पाठपुरावा करत असून त्याच्या पाठपुराव्याचे हे यश आहे.

कल्याणचा ब्रिटिश कालीन पत्रिपुल 102 वर्षे जुना झाल्यामुळे या पुलावरील वाहतूक बंद करण्याचे निर्देश रेल्वे प्रशासनाकडून देण्यात आल्यानंतर  18 नोव्हेंबर 2018 रोजी या पुलावर हातोडा मारण्यात आला. मार्च ते जून 2020 मध्ये करोना काळात पूर्ण काम बंद ठेवावे लागले होते अखेर आज  मात्र पुलाच्या पहिल्या गर्डरचे यशस्वी लॉंचिंग करण्यात आले.

चार तासाच्या मेगाब्लॉकमध्ये 42 ते 50 मीटर गर्डर सरकवण्याचे उद्दिष्ट ठेवण्यात आले होते. मात्र सुरक्षित काम करताना 40 मीटर गर्डर सरकवल्या नंतर मेगाब्लॉक संपल्याने काम बंद करण्यात आले. उद्या हा गर्डर बसविला जाणार असून त्यांनतर उर्वरित 33 मीटर लांबीचा गार्डर आणला जाणार आहे.

Popular posts
नाशिक फाटा ते मोशी परिपूर्ण राष्ट्रीय महामार्ग अखेर दृष्टीक्षेपात !
Image
अधिसंख्य पदावरील अधिकारी व कर्मचाऱ्यांच्या नोकरीबाबत मंत्रीमंडळ उपसमितीची बैठक संपन्न
Image
महिला आणि मुलींच्या न्याय व हक्कांसाठी गावोगावी जनजागृती, सौहार्दवाढीचे कार्यक्रम राबविण्यात यावेत
Image
दरदिवशी होणाऱ्या कोविड मृत्यूंपैकी 71% मृत्यू हे दिल्ली , महाराष्ट्र, पश्चिम बंगाल, हरीयाणा, पंजाब, केरळ, उत्तर प्रदेश आणि राजस्थान या आठ राज्ये/केंद्रशासित प्रदेशांत, 22 राज्ये/केंद्रशासित प्रदेशात मृत्यू दर राष्ट्रीय सरासरीपेक्षा कमी
Image
पंतप्रधानांनी ‘आरंभ’ या एकात्मिक मुलभूत अभ्यासक्रमाच्या दुसऱ्या भागातील भारतीय नागरी सेवेच्या प्रशिक्षणार्थी अधिकाऱ्यांशी साधला संवाद