दिल्लीमध्ये आज मध्यरात्रीपासून फटाक्यांच्या विक्री आणि वापरावर संपूर्ण बंदी



नवी दिल्ली (वृत्तसंस्था) : फटाक्यांच्या माध्यमातून वाढणारे प्रदूषण लक्षात घेता राष्ट्रीय हरित लावादानं राष्ट्रीय राजधानी दिल्लीमध्ये फटाक्यांची विक्री आणि वापरावर संपूर्ण बंदी घातली आहे. आज मध्यरात्रीपासून ही बंदी लागू होत असून ती 30 नोव्हेंबरच्या मध्यरात्रीपर्यंत असणार आहे. जगभरात अलीकडच्या काळातील कोविड-19 चा वाढता प्रकोप आणि देशातील तसच राजधानी दिल्लीतील परिस्थिती लक्षात घेता खबरदारीचा उपाय म्हणून हा निर्णय घेण्यात आल्याचं लवादानं म्हटलं आहे. कोविड-19 चा धोका लक्षात घेऊन देशभर फटाक्यांवर अशी बंदी घालावी किंवा तत्सम उपाययोजना कराव्यात, असं आवाहन लवादान सर्व राज्यांना केलं आहे.



राजधानी नवी दिल्ली इथल्या हवेची गुणवत्ता अद्याप खालावलेलीच आहे. केंद्रीय प्रदूषण नियंत्रण मंडळाच्या माहितीनुसार, आज सकाळी सात वाजता दिल्लीतील हवेच्या गुणवत्तेचा निर्देशांक 461 नोंदवला गेला. 201 ते 300 दरम्यानचा निर्देशांक हवेची खराब गुणवत्ता दर्शवितो. 301 ते 400 दरम्यानची गुणवत्ता अत्यंत खराब तर 401 ते 500 दरम्यानचा निर्देशांक आत्यंतिक निकृष्ट गुणवत्ता दर्शवतो


Popular posts
स्टडी ग्रूपची टीसाइड युनिव्हर्सिटीशी हातमिळवणी
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image