देशात कोरोनाबाधित रुग्ण बरे होण्याचं प्रमाण ९३ पूर्णांक ५ शतांश टक्के



नवी दिल्ली (वृत्तसंस्था) : देशात कोरोनाबाधित रुग्ण बरे होण्याचं प्रमाण ९३ पूर्णांक ५ शतांश टक्के झालं आहे. काल दिवसभरात देशात ४७ हजाराहून अधिक रुग्ण बरे झाले, आतापर्यंत एकूण ८१ लाख ६३ हजार रुग्ण कोरोनामुक्त झाले आहेत. काल ४४ हजार ६८४ नव्या रुग्णांची नोंद झाली.


त्यामुळे देशातली एकूण बाधितांची संख्या ८७ लाखापेक्षा अधिक झाली आहे. देशात सध्या ४ लाख ८० हजार रुग्णांवर उपचार सुरु आहेत. देशात कोविड १९च्या रुग्णसंख्येत घट होत असून, उपचाराधीन रुग्णांचं प्रमाण आतापर्यंत बाधित झालेल्या रुग्णसंख्येच्या केवळ ५ पूर्णांक ४८ शतांश टक्के राहिलं आहे.



दरम्यान राज्यात काल चार हजार ५४३ रुग्ण बरे झाल्यानं त्यांना घरी सोडण्यात आलं. राज्यात आतापर्यंत १६ लाख ९ हजार ६०७ रुग्ण कोरोनामुक्त झाले आहेत. राज्यातलं रुग्ण बरे होण्याचं प्रमाण ९२ पूर्णांक ४८ शतांश टक्के झालं आहे. काल आणखी ४ हजार १३२ कोविड बाधितांची नोंद झाली, त्यामुळे राज्यातली एकूण रुग्णसंख्या १७ लाख ४० हजार ४६१ झाली आहे.

सध्या ८४ हजार ८२ रुग्णांवर उपचार सुरु आहेत. काल १२७ रुग्णांचा मृत्यू झाला. राज्यात या विषाणू संसर्गामुळे आतापर्यंत ४५ हजार ८०९ रुग्णांचा मृत्यू झाला आहे. 


Popular posts
नाशिक फाटा ते मोशी परिपूर्ण राष्ट्रीय महामार्ग अखेर दृष्टीक्षेपात !
Image
अधिसंख्य पदावरील अधिकारी व कर्मचाऱ्यांच्या नोकरीबाबत मंत्रीमंडळ उपसमितीची बैठक संपन्न
Image
महिला आणि मुलींच्या न्याय व हक्कांसाठी गावोगावी जनजागृती, सौहार्दवाढीचे कार्यक्रम राबविण्यात यावेत
Image
दरदिवशी होणाऱ्या कोविड मृत्यूंपैकी 71% मृत्यू हे दिल्ली , महाराष्ट्र, पश्चिम बंगाल, हरीयाणा, पंजाब, केरळ, उत्तर प्रदेश आणि राजस्थान या आठ राज्ये/केंद्रशासित प्रदेशांत, 22 राज्ये/केंद्रशासित प्रदेशात मृत्यू दर राष्ट्रीय सरासरीपेक्षा कमी
Image
कॅटरिंग ब्रँड फीस्टलीचा मुंबईत प्रवेश
Image