जगभरातील ४ कोटी ४२ लाख कोरोनाबाधित रुग्णांवर उपचार सुरु

नवी दिल्ली (वृत्तसंस्था) : जगभरातला कोविड-१९ चा प्रकोप अजूनही आटोक्यात आलेला नाही. सध्या जगातल्या विविध देशांमध्ये ४ कोटी ४२ लाख कोरोनाबाधित रुग्णांवर उपचार सुरु आहेत. आत्तापर्यंत कोविड-१९ मुळे ११ लाख ७१ हजार जणांचा मृत्यू झाला आहे.

३ कोटी २४ लाख रुग्ण या आजारातून बरे झाले असून ८० पेक्षा जास्त देशांमध्ये कोविड-१९च्या प्रतिबंधासाठी युद्धपातळीवर उपाययोजना सुरु आहेत. एकट्या अमेरिकेत ९० लाख ३५ हजार कोरोनाबाधितांवर उपचार सुरु आहेत.