कांदा निर्यातबंदी रद्द करण्याच्या मागणीसाठी राज्यात आज सलग तिसऱ्या दिवशी आंदोलन


मुंबई (वृत्तसंस्था) : नाशिकमध्ये कांदा निर्यातबंदीच्या निषेधार्थ आज सलग तिसऱ्या दिवशी आंदोलनं करण्यात आलं. निफाड तालुक्यात विंचुर इथं रयत क्रांती संघटनेचे नेते सदाभाऊ खोत यांच्या नेतृत्वाखाली रास्ता रोको आंदोलन करण्यात आले. आज बंदरावर निर्यातीसाठी चारशे कंटेनर थांबलेले आहेत, तर सहाशे पेक्षा जास्त ट्रक बांग्लादेश सीमेवर आहे.

कांदा निर्यात झाला नाही तर शेतकऱ्यांचं नुकसान होणार आहे. येत्या २३ तारखेपासून जे खासदार शेतकऱ्यांच्या बाजूनं उभे राहणार नाहीत त्यांच्या घरासमोर रयत क्रांती संघटना निदर्शनं करेल, असा इशारा खोत यांनी दिला. 


दरम्यान, सिन्नर इथं राष्ट्रवादी काँग्रेसतर्फे तहसीलदारांना कांद्याच्या माळा घालून आंदोलन केलं तर येवला इथं प्रहार संघटनेच्या वतीनं मुंडन आंदोलन करण्यात आलं.


बुलडाणा जिल्ह्यात कांदा निर्यात बंदी विरोधात खामगाव, शेगाव, जळगाव जामोदसह अनेक ठिकाणी किसान सभेच्या वतीनं शेतकऱ्यांनी रस्त्यावर  आंदोलन केलं. यावेळी शेतकऱ्यांनी रस्त्यावर कांदा फेकून निषेध व्यक्त केला.


सांगलीमध्ये कांदा निर्यात तसंच बेरोजगारी विरोधात युवक काँग्रेसनं ठिय्या आंदोलन केलं.


Popular posts
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
राज्यात येत्या ३० एप्रिलपर्यंत असलेल्या निर्बंधांच्या पार्श्वभूमीवर मुंबई महापालिकेच्या नव्या मार्गदर्शक सूचना जारी
Image