भारताच्या कृषी आणि औद्योगिक विकासासाठी आरसीएफचे भरीव योगदान



चालू आर्थिक वर्षात आरसीएफने त्याच्या औद्योगिक उत्पादनांच्या एकूण विक्रीत 200 कोटींचा टप्पा केला पार



नवी दिल्‍ली : कोविड-19 ची आव्हानात्मक परिस्थिती असूनही रसायने आणि खते मंत्रालयांतर्गत सार्वजनिक क्षेत्रातील राष्ट्रीय केमिकल्स अँड फर्टिलायझर्स लि. (आरसीएफ) हा उपक्रम आपले परिचालन सुरु ठेवण्यात यशस्वी ठरला असून त्यांनी चालू आर्थिक वर्षात 2020-21 मध्ये 27 जुलै 2020 पर्यंत त्याच्या औद्योगिक उत्पादनांच्या विक्रीत 200 कोटींचा टप्पा पार केला 


कंपनीच्या निवेदनानुसार 100 रुपयांचा पहिला टप्पा  67 दिवसांत तर पुढील 100 कोटीचा टप्पा केवळ 51 दिवसातच पार करण्यात आला.


आरसीएफच्या औद्योगिक उत्पादने विभाग (आयपीडी) कडे त्याच्या पोर्टफोलिओमध्ये 23 उत्पादने आहेत जी औषधे, कीटकनाशके, खाण, बेकरी उत्पादने, तंतू, चामडे सारख्या  इतर उद्योगांसाठी महत्वाचे घटक आहेत. या कठीण परिस्थितीत देशाच्या कृषी आणि औद्योगिक विकासाला चालना देण्यासाठी आरसीएफ एक मजबूत प्रेरक शक्ती राहिली  आहे.


"अन्न सुरक्षा" सुनिश्चित करण्यात  कंपनीने मोठे योगदान दिले आहे आणि शेतकऱ्यांना खतांचा अखंड पुरवठा करण्यासाठी प्रयत्न केले आहेत. या वर्षात कोविड महामारीमुळे  विशेषतः  पुरवठा साखळीसंदर्भात वाहतुकीत अनेक अडचणी असूनही  आरसीएफला 2020-21 च्या पहिल्या तिमाहीत 5.9 लाख मेट्रिक टनपेक्षा जास्त खतांचे उत्पादन करण्यात यश आले आहे. कंपनीने जुलै 2020 महिन्यात 2.3 लाख मेट्रिक टन पेक्षा अधिक खताची निर्मिती केली आहे.


Popular posts
नाशिक फाटा ते मोशी परिपूर्ण राष्ट्रीय महामार्ग अखेर दृष्टीक्षेपात !
Image
अधिसंख्य पदावरील अधिकारी व कर्मचाऱ्यांच्या नोकरीबाबत मंत्रीमंडळ उपसमितीची बैठक संपन्न
Image
महिला आणि मुलींच्या न्याय व हक्कांसाठी गावोगावी जनजागृती, सौहार्दवाढीचे कार्यक्रम राबविण्यात यावेत
Image
दरदिवशी होणाऱ्या कोविड मृत्यूंपैकी 71% मृत्यू हे दिल्ली , महाराष्ट्र, पश्चिम बंगाल, हरीयाणा, पंजाब, केरळ, उत्तर प्रदेश आणि राजस्थान या आठ राज्ये/केंद्रशासित प्रदेशांत, 22 राज्ये/केंद्रशासित प्रदेशात मृत्यू दर राष्ट्रीय सरासरीपेक्षा कमी
Image
पंतप्रधानांनी ‘आरंभ’ या एकात्मिक मुलभूत अभ्यासक्रमाच्या दुसऱ्या भागातील भारतीय नागरी सेवेच्या प्रशिक्षणार्थी अधिकाऱ्यांशी साधला संवाद