जगभरातल्या एकूण कुष्ठरोग्यांपैकी ५२ टक्के भारतात आहेत ही चिंतेची बाब - भारती पवार

 

नवी दिल्ली (वृत्तसंस्था) जगभरातल्या एकूण कुष्ठरोग्यांपैकी ५२ टक्के भारतात आहेत ही चिंतेची बाब आहे, असं प्रतिपादन आरोग्य आणि कुटुंबकल्याण राज्यमंत्री भारती पवार यांनी आज केलं.

नवी दिल्लीत राष्ट्रीय कुष्ठरोग विरोधी दिनानिमित्त आयोजित कार्यक्रमात त्या बोलत होत्या. मात्र देशात प्रतिवर्षी कुष्ठरोगाच्या रुग्णसंख्येत घट होत असल्यांचंही त्यांनी म्हटलं आहे. वर्ष २०१४-१५ मध्ये दर दहा हजार लोकसंख्येमागे शून्य पूर्णांक एकोणसत्तर शतांश कुष्ठरोगग्रस्त होते ती संख्या कमी होऊन २०२१-२२ मध्ये शून्य पूर्णांक पंचेचाळीस शतांश झाली आहे, असं त्यांनी नमूद केलं.

राष्ट्रीय कुष्ठरोग निर्मूलन योजना तसंच राज्य आणि सामान्य नागरिकांच्या योग्य सहकार्याने कुष्ठरोगाशी दोन हात करण्याचा ठाम निर्धार सर्वांनी करायला हवा असंही त्या म्हणाल्या.कुष्ठरोगावरील प्रतिजैविकांचा प्रतिरोध टाळण्यासाठीच्या राष्ट्रीय मार्गदर्शक तत्वप्रणालीचं त्यांनी यावेळी उद्घाटन केलं. 

Popular posts
लाल समुद्र आणि एडनच्या आखातातल्या जहाजांवरचे हल्ले थांबवण्याचं संयुक्त राष्ट्रांच्या सुरक्षा परिषदेचं हौती दहशतवाद्यांना आवाहन
Image
राज्यातील कामगारांच्या अडचणींचे निराकरण करण्यासाठी संपर्क अधिकाऱ्यांची नियुक्ती - कामगार मंत्री दिलीप वळसे पाटील यांची माहिती
Image
भारताला रशियाकडून एस ४०० क्षेपणास्त्र प्रणाली खरेदी करण्यावर निर्बंध न लादण्याचा अमेरिकेचा निर्णय
Image
तरुणांनी यशासाठी भव्य शक्यतांच्या अवकाशाचा शोध घेतला पाहिजे - उपराष्ट्रपती
Image
अंदमान निकोबार बेटं भारताला आग्नेय आशियाबरोबर जोडणारा दुवा
Image