पुणे जिल्ह्यात उद्दिष्टापेक्षा जास्त पीक कर्जाचं वाटप

 

पुणे : नुकत्याच संपलेल्या 2021-22 या आर्थिक वर्षात पुणे जिल्ह्यात उद्दिष्टापेक्षा जास्त म्हणजे 3892 कोटी रुपयांच्या पीक कर्जाचे वाटप करण्यात आलं आहे. जिल्ह्याच्या इतिहासात पहिल्यांदाच या विक्रमी कामगिरीची नोंद झाली आहे. जिल्ह्याचं पीक कर्ज वाटपाचं 3882 कोटी रुपयांचं उद्दिष्ट पूर्ण करण्याच्या दृष्टीनं जिल्हाधिकारी डॉ. राजेश देशमुख यांनी जातीनं लक्ष घालून सर्व प्रमुख बँकांच्या अधिकाऱ्यांच्या बैठका घेऊन सातत्यानं पाठपुरावा केल्यामुळेच पुणे जिल्ह्याने गेल्या आर्थिक वर्षात उद्दिष्ठापेक्षा 10 कोटींनी जास्त म्हणजे तब्बल 3892 कोटी रुपये पीक कर्ज वाटपाची ऐतिहासिक कामगिरी नोंदवली आहे.

यापूर्वी 2015-16 या आर्थिक वर्षात जिल्ह्यात एकंदर 3506 कोटी रुपये पीक कर्जाचं वाटप झालं होतं मात्र यावेळी हा उच्चांक मोडीत काढून त्यापेक्षा 386 कोटी रुपये अधिक पीक कर्ज वाटपाचा नवा इतिहास नोंदवला गेला आहे. जिल्ह्यातील एकंदर 3 लाख 77 हजार 410 शेतकऱ्यांना या पीक कर्जाचा लाभ झाला आहे. दरवर्षी पीक कर्ज वाटपात मागे राहणाऱ्या जिल्ह्यातील सार्वजनिक क्षेत्रातील बँकांनी यावेळी 100 टक्क्यांपेक्षा जास्त तर खाजगी क्षेत्रातील बँकांनीही 99 टक्क्यांहून अधिक पीक कर्जाचं  वाटप केल्याची आकडेवारीही समोर आली आहे. 

Popular posts
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
अमली पदार्थ नियंत्रण विषयक समन्वय केंद्राची तिसरी उच्चस्तरीय बैठक केंद्रीय गृहमंत्री अमित शहा यांच्या अध्यक्षतेखाली पार
Image
नागरी संरक्षण स्वयंसेवकांच्या नोंदणी व पुनर्नोंदणीबाबत आवाहन
Image
एमटीडीसीमार्फत विशेष सवलतींची व पर्यटनस्थळांची माहिती देणारे दालन पर्यटनवृद्धीसाठी महत्त्वाचे – पर्यटन राज्यमंत्री कु.आदिती सुनील तटकरे
Image
शेतकरी हितासाठी केंद्र सरकारकडून राज्य सरकारला टोमॅटो खरेदीची सूचना
Image