उत्तर कोरिया हल्ल्याचे अधिक मजबूत मार्ग आणि साधनं विकसित करणार
• महेश आनंदा लोंढे
नवी दिल्ली (वृत्तसंस्था) : आपल्या शस्त्रागाराच्या आधुनिकीकरणासाठी उत्तर कोरिया हल्ल्याचे अधिक मजबूत मार्ग आणि साधनं विकसित करणार आहे, असं आज उत्तर कोरियानं स्पष्ट केलं. गेल्या गुरूवारी उत्तर कोरियानं वासाँग १७ या लांब पल्ल्याच्या नव्या क्षेपणास्त्र प्रणालीचं यशस्वी उड्डाण केलं. त्याच्याशी संबंधित संशोधकांसमवेत केलेल्या फोटोसेशनदरम्यान राष्ट्राध्यक्ष किम जॉंग उन यांनी आज हे निवेदन केलं.
ही २५ मिटर लांब क्षेपणास्त्र प्रणाली १५ हजार किलोमीटरपर्यंत म्हणजे अमेरिकेत कुठेही पोहोचू शकते. जगातली ही सगळ्यात मोठी फिरती बॅलिस्टिक क्षेपणास्त्र प्रणाली आहे. या क्षेपणास्त्रात अनेक शस्त्रास्त्र वाहण्याची क्षमता आहे. ज्या राष्ट्राकडे हल्ल्याची क्षमता अधिक आहे आणि ज्यांचं लष्करी सामर्थ्य मोठं आहे तेच राष्ट्र युद्धाला अटकाव करू शकते, असंही किम म्हणाले.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.