२१८ भारतीयांना घेऊन बुखारेस्टवरुन निघालेलं नववं विमान नवी दिल्लीत पोहचलं

 

नवी दिल्ली (वृत्तसंस्था) : ऑपरेशन गंगा अंतर्गत, २१८ भारतीयाना घेऊन बुखारेस्टवरुन निघालेलं नववं विमान आज नवी दिल्लीत पोहचलं. युक्रेनमंध्ये अडकलेल्या भारतीयांना घेऊन आज सकाळीच हे विमान रोमानियाची राजधानी बुखारेस्ट इथून निघाल्याचं ट्विट परराष्ट्रमंत्री एस जयशंकर यांनी केलं होतं. आठवं विमानही हंगेरीची राजधीनी बुडापेस्ट इथून निघाल्याचं या ट्विटमध्ये म्हटलं होतं. 

१८२ भारतीयांना निघालेलं सातवं विमान आज पहाटे मुंबईत पोचलं, केंद्रीय मंत्री नारायण राणे यांनी छत्रपती शिवाजी महाराज आंतरराष्ट्रीय विमानतळावर या भारतीयांचं स्वागत केलं. 

ऑपरेशन गंगाअंतर्गत मोहिमेअंतर्गत, आतापर्यंत १ हजार ४०० पेक्षा जास्त भारतीयांना युक्रेनमंधून परत आणलं असल्याचं परराष्ट्र मंत्रालयानं सांगितलं.