धारावीत टांझानिया येथून आलेला प्रवासी कोरोना पॉझिटिव्ह, चिंतेत भर

 

नवी दिल्ली (वृत्तसंस्था) : ओमायक्रोन कोरोनाच्या नव्या उत्परिवर्तित प्रकारच्या विषाणू संसर्गाचा रुग्ण मुंबईत सापडल्याने चिंता वाढलेली असताना धारावीसारख्या गजबजलेल्या झोपडपट्टीत टांझानिया येथून आलेला प्रवासी कोरोना पॉझिटिव्ह आढळल्याने चिंतेत भर पडली आहे. या रुग्णाच्या जनुकीय अनुक्रम निर्धारण चाचणी अहवाल आल्यानंतर त्याला ओमायक्रोनची लागण झाली आहे का हे स्पष्ट होईल. या रुग्णावर पालिकेच्या सेव्हनहिल्स रुग्णालयात दाखल करण्यात आले आहे. या रुग्णाच्या संपर्कात आलेल्यांचा शोध युद्धपातळीवर घेतला जात असल्याची माहिती सहाय्यक आयुक्त किरण दिघावकर यांनी दिली. ओमायक्रॉनच्या पार्श्वभूमीवर प्रशासनाने खबरदारीचे उपाय घेण्यास सुरुवात केली आहे. मुंबई विमानतळावर आलेल्या परदेशी प्रवाशांचा शोध घेऊन त्यांच्या कोरोना चाचण्या केल्या जात असून  आतापर्यंत २ हजार ७९४ परदेशी प्रवाशांच्या चाचण्या करण्यात आल्या असून त्यापैकी १३ प्रवासी कोरोना पॉझिटिव्ह आढळून आले आहेत.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image