आचार्य विनोबा भावे यांच्या १२६ व्या जयंती निमित्त प्रधानमंत्री, मुख्यमंत्र्यांसह मान्यवरांचं अभिवादन

 

नवी दिल्ली (वृत्तसंस्था) : आचार्च विनोबा भावे यांची आज १२६वी जयंती आहे. त्यानिमीत्त देशभरातून त्यांना आदरांजली वाहिली जात आहे. आचार्य विनोबा भावे यांच्या जयंतीनिमीत्त प्रधानमंत्री नरेंद्र मोदी यांनी त्यांना आदरांजली वाहिली आहे. विनोबा भावे यांनी स्वातंत्र्योत्तर काळात महात्मा गांधी यांचे विचार पुढे नेण्याचं महान कार्य केलं, शोषित आणि गरीबांना चांगलं आयुष्य मिळावं यासाठी त्यांनी मोठी चळवळ उभारली असं प्रधानमंत्र्यांनी ट्विटरवर म्हटलं आहे. विनोबा भावे कायमच अस्पृश्यतेविरोधात लढा देत आले, त्यांचा अहिंसेवर आणि मूलभूत कार्य करण्यावर दृढ विश्वास होता असं महात्मा गांधी यांनी विनोबा भावे यांच्याबद्दल म्हटलं असल्याची आठवणही प्रधानमंत्र्यांनी ट्विटरवरून केली आहे.

मुख्यमंत्री उद्धव ठाकरे यांनीही आचार्य विनोबा भावे यांच्या जयंतीनिमीत्त त्यांना आदरांजली वाहिली आहे. विनोबा भावे हे महान संत, कृतिशील विचारवंत आणि समाजसुधारक होते, त्यांचं कार्य आणि विचार भावी पिढीपर्यंत पोहोचवणं हीच त्यांना खरी आदरांजली ठरेल असं मुख्यमंत्र्यांनी म्हटलं आहे. विनोबा भावे यांच्या जयंतीनिमीत्त राज्यातही अनेक कार्यक्रमांचं आयोजन केलं आहे. रायगड जिल्ह्यात गागोदे या त्यांच्या जन्मगावी, विनोबा जन्मस्थान प्रतिष्ठान इथं त्यांना पुष्पांजली अर्पण केली गेली. यावेळी आयोजित करण्यात आलेल्या इतर उपक्रमांची माहिती प्रतिष्ठानच्या अध्यक्षा नीला आपटे यांनी दिली. पवनार आश्रम इथं विनोबांचे शिष्य बलभाई यांनी अनुयायांसह विनोबा भावे यांना आदरांजली वाहिली. वर्धा इथल्या मगन संग्रहालयात सायकल रॅलीचंही आयोजन केलं आहे.

फिल्म्स डिव्हीजन राष्ट्रीय संत विनोबा भावे यांना त्यांच्या १२६ व्या जयंतीनिमित्त एक आगळी श्रद्धांजली अर्पण करणार आहे. फिल्म्स डिव्हीजनच्या संकेतस्थळावर आणि त्यांच्या युट्युब चॅनेलवर विनोबा भावे यांच्या जीवनावर आधारित चित्रपट पाहण्याची संधी मिळणार आहे. ४७ मिनिटांच्या या माहितीपटाचं दिग्दर्शन विश्राम बेडेकर यांनी केलं आहे.

Popular posts
विधानभवनाच्या प्रवेशद्वारावरच्या पायऱ्यांवर आंदोलन करायला, आणि प्रसारमाध्यमांनी तिथे चित्रीकरण करायला बंदी घालावी - जयंत पाटील
Image
देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
राज्यात आतापर्यंत ६४ लाख ५६ हजार ९३९ जणांना कोरोनाची लागण
Image