कोरोना विषाणूचा उगम वुहान इथं झाल्यासंदर्भात अमेरिकी गुप्तहेर संस्था 3 महिन्यात तपास करणार

 

नवी दिल्ली (वृत्तसंस्था) : कोविड-19 या विषाणूचा संसर्ग चीनमधील वुहान इथं सुरू झाला. एखादा प्राणी या संसर्गाचा मूळ स्त्रोत आहे का किंवा संशोधन प्रयोगशाळेच्या अपघातामुळे हा विषाणू चीनमध्ये पसरला याचा तपास करण्यासाठी अमेरिकेचे अध्यक्ष ज्यो बायडन यांनी अमेरिकेच्या गुप्तहेर संस्थेला 3 महिन्यांचा कालावधी दिला आहे. मागील वर्षभरापासून संपूर्ण जग कोरोना साथीशी लढत असून अमेरिकेत आतापर्यंत 4 पूर्णांक 4 दशलक्षांहून अधिक नागरिक या आजारामुळे दगावले आहेत.

या आजाराचा नेमका स्त्रोत शोधण्यासाठी गुप्तहेर संस्थेच्या 2 वेगळ्या तुकड्या संभाव्य स्त्रोतानुसार विभागल्या असून गुप्तहेर संस्थेचे हे प्रयत्न नेमक्या निष्कर्षापर्यंत पोहोचवतील असं व्हाईट हाऊसनं काल जाहीर केलेल्या निवेदनात बायडन यांनी सांगितलं. बायडन यांच्या या वक्तव्यामुळे हा विषाणू प्रथम कसा निर्माण झाला या विषयीच्या वादात आणखी वाढ झाली आहे.

हे उत्तर सापडलं तर त्याचे चीनवर भरीव परिणाम होतील कारण या महामारीला आपण जबाबदार नसल्याचं चीननं म्हटलं आहे. आणि अमेरिकी रिपब्लिकन सदस्यांनी प्रयोगशाळेतून या विषाणूचा जन्म झाल्याचं कारण पुढे करुन चीनवर सतत दबाव ठेवला या दृष्टिनं अमेरिकी राजकारणाकरिता हा मुद्दा महत्वाचा आहे.

Popular posts
कोविड 19 च्या पार्श्वभूमीवर 40 हून अधिक लसांवर काम चालू असून, अद्याप कोणीही पुढील टप्प्यात पोहोचलेले नाही : आयसीएमआर
Image
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
ब्रिटनहून येणाऱ्या- जाणाऱ्या विमान वाहतुकीवर ७ जानेवारीपर्यंत निर्बंध
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image