१६२ ऑक्सिजन निर्मिती प्रकल्पांना केंद्र सरकारची मंजुरी

 

नवी दिल्ली (वृत्तसंस्था) : विविध राज्यांमधली वैद्यकीय ऑक्सिजनची मागणी पूर्ण करण्याच्या दृष्टीनं केंद्रसरकारनं १६२ ऑक्सिजन निर्मिती प्रकल्पांना मंजुरी दिली आहे. या कामावर २०१ कोटी रुपये खर्च होणार असून त्यामुळे ऑक्सिजन निर्मितीक्षमतेत १५४ टनांची भर पडेल. यापैकी ३३ प्रकल्पांची संयंत्र कार्यान्वित झाली असून त्यातलं एक महाराष्ट्रात आहे.

आंध्रप्रदेश, छत्तीसगढ, हरयाणा, दिल्ली,केरळ, पुद्दुचेरी, पंजाब, आणि उत्तर प्रदेशमध्येही प्रत्येकी एक प्रकल्प कार्यान्वित झाला आहे. मध्य प्रदेशात ५, हिमाचल प्रदेशात ४,तर चंडीगढ, गुजरात आणि उत्तराखंड मधे प्रत्येकी ३ प्रकल्प कार्यान्वित आहे. बिहार, कर्नाटक आणि तेलंगणमधे प्रत्येकी २ प्रकल्प सुरु झाले आहेत.

या महिनाअखेरपर्यंत देशभरात आणखी ५९ तर पुढच्या महिनाअखेरपर्यंत आणखी ८० प्रकल्प उभे राहतील.

राज्यांनी या उपाययोजनेचं स्वागत केलं असून आणखी १०० संयंत्र सुरु करण्याची मागणी केली आहे. त्यालाही मंजुरी देणार असल्याचं केंद्रीय आरोग्य खात्याच्या ट्वीटमध्ये म्हटलं आहे.

Popular posts
दुसऱ्या कसोटी क्रिकेट सामन्याच्या दुसऱ्या दिवसअखेर भारताची ऑस्ट्रेलियावर ८२ धावांची आघाडी
Image
मुंबईत लॉकडाऊनच्या दुसरा दिवशी व्यापारी आणि व्यावसायिकांमध्ये संभ्रमाचं वातावरण
Image
आजादी का अमृत महोत्सव म्हणजे आत्मनिर्भरतेचं अमृत असल्याचं प्रधानमंत्री नरेंद्र मोदी यांचं प्रतिपादन
Image
देशातल्या स्वच्छता कर्मचाऱ्यांनी कोरोना काळात दिलेल्या योगदानाचा पंतप्रधानांद्वारे गौरव
Image
येत्या तीन वर्षात सुमारे ३६ हजार ५०० किलोमीटर लांबीचे राष्ट्रीय महामार्ग बांधणार असल्याचं केंद्रीय मंत्री नितिन गडकरी यांचं लोकसभेत प्रतिपादन
Image