नवी दिल्ली (वृत्तसंस्था) : पंतप्रधान नरेंद्र मोदी उद्या पश्चिम बंगालच्या दौर्यारवर जाणार आहेत. नेताजी सुभाषचंद्र बोस यांच्या १२५ व्या जयंतीनिमित्त कोलकाता इथं "पराक्रम दिवस" कार्यक्रमाचं उद्घाटन मोदी यांच्या हस्ते होणार आहे.
नेताजींचा २३ जानेवारी हा जन्मदिवस "पराक्रम दिवस" म्हणून साजरा करण्याचा निर्णय केंद्र सरकारने घेतला आहे. मोदी यांच्या अध्यक्षतेखाली कोलकाता येथील नॅशनल लायब्ररी आणि व्हिक्टोरिया येथील कार्यक्रम होणार आहेत.
यावेळी १९२६ ते १९३६ दरम्यान सुभाषचंद्र बोस यांनी लिहिलेल्या पत्रांचे संकलन प्रसिद्ध केले जाणार असून प्रोजेक्ट मपिंगच सादरीकरण केलं जाणार आहे. तत्पूर्वी मोदी आंतरराष्ट्रीय सेमिनारमध्ये नेताजींच्या जीवन कार्यावर आपले विचार व्यक्त करणार आहेत.
या वेबीनारमध्ये अमेरिका, जर्मनी, म्यानमा, थायलंड आणि बांग्लादेशमधून नेताजींवर संशोधन केलेले तज्ञ दुरदृश्य प्रणालीद्वारे सहभागी होणार आहेत. या कार्यक्रमात आझाद हिंद फौजेशी संबंधित व्यक्तींचा आणि स्वातंत्र्यसैनिकांचा सन्मान करण्यात येणार आहे. पश्चिम बंगालचे राज्यपाल आणि मुख्यमंत्री यावेळी उपस्थित राहण्याची शक्यता आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.