राज्यात आजपासून आठवड्यातले ४ दिवस कोरोना प्रतिबंधक लसीकरण

 

मुंबई (वृत्तसंस्था) : राज्यात आजपासून आठवड्यातले चार दिवस कोरोना प्रतिबंधक लसीकरण होणार असून, या लसीकरणाच्या तयारीचा मुख्यमंत्री उद्धव ठाकरे यांनी काल आढावा घेतला.

मंगळवार, बुधवार, शुक्रवार आणि शनिवारी राज्यातल्या २८५ केंद्रांवर लसीकरण होणार आहे. ही मोहीम अधिक प्रभावीपणे राबवून आरोग्य कर्मचाऱ्यांचं लसीकरण करुन घ्यावं,असे आवाहन मुख्यमंत्र्यांनी यावेळी केले.

त्यांनी राज्यातले सर्व विभागीय आयुक्त,जिल्हाधिकारी,जिल्हा परिषद मुख्य कार्यकारी अधिकारी यांच्याशी दूरदृश्य प्रणालीद्वारे संवाद साधत लसीकरणाच्या तयारीचा आढावा घेतला.

शनिवारी राज्यात लसीकरण मोहीम यशस्वीरित्या राबवल्याबद्दल त्यांनी यंत्रणेचे कौतुक केले.लसीकरणाच्या नोंदणीसाठी असलेल्या कोविड ॲपबद्दल त्यांनी माहिती घेतली.ह्या ॲपची कार्यपद्धती अधिक गतिमान होण्याकरिता काही जिल्हाधिकाऱ्यांनी सूचना केल्या.त्या केंद्र शासनाला पाठवल्या जातील,असे मुख्यमंत्र्यांनी सांगितले.

लसीकरणामध्ये दोन डोस घेतल्यानंतर १४ दिवसांनी रोग प्रतिकारक क्षमता तयार होते.त्यामुळे लसीकरणानंतरही कोरोना प्रतिबंधक नियमांचे सर्वांनी पालन करणे आवश्यक असल्याचे मुख्यमंत्र्यांनी यावेळी स्पष्ट केले.

Popular posts
विधानभवनाच्या प्रवेशद्वारावरच्या पायऱ्यांवर आंदोलन करायला, आणि प्रसारमाध्यमांनी तिथे चित्रीकरण करायला बंदी घालावी - जयंत पाटील
Image
देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
राज्यात आतापर्यंत ६४ लाख ५६ हजार ९३९ जणांना कोरोनाची लागण
Image