विदर्भात काल अनेक ठिकाणी अवकाळी पाऊस आणि गारपीट, रब्बी पिकांचं नुकसान

 

मुंबई (वृत्तसंस्था) : विदर्भात काल संध्याकाळनंतरही अनेक ठिकाणी अवकाळी पाऊस आणि गारपीट झाली. अवकाळी पावसामुळे हरभरा, गहू, लाखोरी, जवस, मोवरी, तूर यांसह रब्बी पिकं आणि भाजीपाल्याचं प्रचंड नुकसान झालं आहे. नुकसानीचे पंचनामे करून नुकसानभरपाई द्यावी अशी  मागणी शेतकरी करत आहेत. भंडारा जिल्ह्यात काल सर्वदूर पावसानं हजेरी लावली. तुमसर आणि मोहाड़ी तालुक्यात ग्रामीण भागात गारपीट झाली. धुसाळा नवेगाव इथं वीज कोसळल्यानं एका नऊ वर्षाच्या मुलाचा मृत्यू झाला. गोंदियात गोरेगाव, तिरोडा, गोंदिया, आमगाव या तालुक्यांना गारपिटीनं झोडपलं.चंद्रपूरमध्ये बल्लारपूर, नागभिड, वरोरासह काही तालुक्यात काल रात्री मेघगर्जनेसह पाऊस झाला. अवकाळी पावसामुळे शेतकरी धास्तावले आहेत. जालना जिल्ह्यात जाफराबाद तालुक्यात काही भागात बोराच्या आकाराच्या गाराही पडल्या. भोकरदन, जाफाराबाद, घनसावंगी, बदनापूर तालुक्यातही अवकाळी पाऊस झाला. भोकरदन तालुक्यात वालसावंगी इथं वीज कोसळल्यानं एक बैल दगावला.हवामान विभागानं आजही विदर्भात अवकाळी पाऊस आणि गारपिटीचा इशारा दिला आहे.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image