गडचिरोलीत पोलिसांबरोबर झालेल्या चकमकीत १३ नक्षली ठार

 

मुंबई (वृत्तसंस्था) : गडचिरोलीच्या एटापल्ली तालुक्यातल्या जंगलात आज सकाळी पोलिसांबरोबर झालेल्या चकमकीत १३ नक्षली अतिरेकी मारले गेले. पयडी-कोटमी जंगलात नक्षल्यांचे शिबिर सुरु असल्याची माहिती मिळाल्यावर पोलिसांच्या सी-६० पथकाचे जवान नक्षलविरोधी अभियान राबवीत होते. नक्षल्यांनी आज सकाळी पोलिस दिसताच त्यांच्यावर गोळीबार केला. पोलिसांनी जोरदार प्रत्युत्तर दिल्याने नक्षली जंगलात पसार झाले. त्यानंतर घटनास्थळाची पाहणी केली असता १३ नक्षल्यांचे मृतदेह सापडले. शिवाय नक्षल्यांकडील बंदुका, पुस्तके आणि दैनंदिन वापराचे साहित्यही पोलिसांनी ताब्यात घेतले आहे. ठार झालेले नक्षली कसनसूर दलमचे असल्याची प्राथमिक माहिती आहे. नक्षल्यांचे मृतदेह गडचिरोलीला आणण्यात येत असल्याची माहिती पोलिसांनी दिली.

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image
एमजीने नवी ‘हेक्टर २०२१’ लाँच केली
Image