पेट्रोल डिझेलच्या दरात सातत्याने होत असलेल्या वाढीच्या निषेधार्थ शिवसेनेची राज्यभरात आंदोलने


मुंबई (वृत्तसंस्था) : पेट्रोल डिझेलच्या दरात सातत्याने होत असलेल्या वाढ तसेच केंद्रीय मंत्री आणि भाजपाचे नेते राबसाहेब दानवे यांनी शेतकऱ्यांविरोधात केलेल्या वक्तव्याच निषेध करण्यासाठी शिवसेनेने आज राज्यभर आंदोलने केली.

रायगड जिल्ह्यात शिवसेनेने मुंबई-गोवा महामार्गावर आंदोलन केले. यामुळे मुंबई गोवा महामार्गवर माणगाव इथे वाहतूक काही काळासाठी ठप्प झाली होती.

नंदुरबार जिल्ह्यात नेहरू पुतळा परिसरात शिवसेनेच्या कार्यकर्त्यांनी आपल्या गाड्यांना धक्का मारून चालवत दरवाढीचा निषेध केला. या दरवाढीकडे केंद्र सरकार डोळेझाक करत आहे असा आरोप आंदोलनकर्त्यांनी केला. यावेळी दानवे यांच्याविरोधातही घोषणाबाजी करण्यात आली.

हिंगोली जिल्हातही शिवसेना जिल्हाप्रमुख आणि स्थानिक आमदार संतोष बांगर यांच्या नेतृत्वात निषेध आंदोलन झाले.

सोलापूरमधे शिवसेनेच्या कार्यकर्त्यांनी सायकल रॅली काढून इंधन दरवाढ आणि दानवे यांच्या वक्तव्याचा निषेध केला.

यवतमाळमधे शिवसेनेने जिल्हाधिकारी कार्यालय समोर आंदोलन केले. यावेळी आंदोलकर्त्यांनी दरवाढीसह दानवे यांच्या विरोधात घोषणाबाजी केली.

वाशिममध्ये शिवसेनेने अकोला-नांदेड महामार्गावरच्या जिजाऊ चौकात रास्ता रोको आंदोलन केले. यामुळे सुमारे तासाभरासाठी वाहतूक ठप्प झाली होती. आंदोलनकर्त्यांनी दानवे यांच्या राजीनाम्याचीही मागणी केली.

धुळ्यात शिवसेनेचे जिल्हा संपर्कप्रमुख बबनराव थोरात यांच्या नेतृत्वात निषेध आंदोलन झाले.

नाशिक शहरात शालिमार चौक इथे शिवसेनेचे खासदार हेमंत गोडसे यांच्या नेतृत्वात निषेध आंदोलन झाले.

परभणीत शिवसेनेच्या कार्यकर्त्यांनी शहरातल्या छत्रपती शिवाजी महाराज पुतळ्यासमोर निषेध आंदोलन केले.

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
पिंपरी मर्चंन्ट फेडरेशनचा लॉकडाऊन विरोध : भाजपाचा व्यापाऱ्यांना पाठिंबा
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image