तीन महिन्यापासून वेतन न मिळाल्यामुळे एका एसटी कर्मचाऱ्याची आत्महत्या



मुंबई (वृत्तसंस्था) : गेल्या तीन महिन्यापासून वेतन न मिळाल्यामुळे रत्नागिरी आगारातील एका एसटी कर्मचाऱ्यानं आत्महत्या केल्याचं वृत्त आहे. आज राज्याच्या विविध भागात एसटी कर्मचाऱ्यांचं आक्रोश आंदोलन सुरु आहे.



रत्नागिरी जिल्ह्यातल्या एसटीच्या कर्मचाऱ्यांनी आज आपापल्या घरी आक्रोश आंदोलन केलं. एसटी कर्मचारी अत्यावश्यक सेवेमध्ये काम करीत असून दिवाळीचा सण तोंडावर आलेला असतानाही प्रशासनाकडून वेतनाबाबत कोणतीही कार्यवाही केलेली नाही. कामगारांत प्रचंड असंतोष वाढल्याने आज प्रलंबित वेतन आणि इतर आर्थिक लाभ मिळण्यासाठी कर्मचार्यांबनी कुटुंबासह आक्रोश केला. महाराष्ट्र एसटी कामगार संघटनेचे अध्यक्ष संदीप शिंदे यांच्या आवाहनानुसार जिल्ह्यात आंदोलन करण्यात आलं. सुट्टी असणार्यांनीही यात सहभाग घेतला. दरम्यान आंदोलकांवर कारवाई करण्याचा इशारा महामंडळानं दिल्यामुळे आंदोलक अधिकच संतापले आहेत.


धुळे जिल्ह्यातही एसटी महामंडळातल्या कर्मचाऱ्यांनी आपापल्या घरी कुटुंबासह उपाशी राहत आक्रोश आंदोलन केलं. अनेक ठिकाणी हे आंदोलन सामूहिक पद्धतीनंही केलं गेलं. सरकारकडे वारंवार पाठपुरावा करूनही न्याय मिळत नसल्यामुळे एसटी महामंडळाच्या कर्मचाऱ्यांनी आपल्या घरात उपाशी राहत आक्रोश आंदोलन केलं.

सरकारनं या आंदोलनाची दखल घेतली नाही तर रस्त्यावर उतरून जन- आक्रोश आंदोलनाचा इशाराही कर्मचाऱ्यांनी दिला आहे. जालना इथंही एसटी कर्मचाऱ्यांनी घरासमोर सहकुटुंब आक्रोश आंदोलन केलं. 


Popular posts
नाशिक फाटा ते मोशी परिपूर्ण राष्ट्रीय महामार्ग अखेर दृष्टीक्षेपात !
Image
राज्यातल्या शेतकऱ्यांना एक लाख कृषी पंपांना वीज जोडणीचं राज्य सरकारचं नवीन धोरण जाहीर
Image
महिला आणि मुलींच्या न्याय व हक्कांसाठी गावोगावी जनजागृती, सौहार्दवाढीचे कार्यक्रम राबविण्यात यावेत
Image
दरदिवशी होणाऱ्या कोविड मृत्यूंपैकी 71% मृत्यू हे दिल्ली , महाराष्ट्र, पश्चिम बंगाल, हरीयाणा, पंजाब, केरळ, उत्तर प्रदेश आणि राजस्थान या आठ राज्ये/केंद्रशासित प्रदेशांत, 22 राज्ये/केंद्रशासित प्रदेशात मृत्यू दर राष्ट्रीय सरासरीपेक्षा कमी
Image
संसद, न्यायपालिका आणि प्रशासन संविधानामुळे मजबूत असल्यानं कठिण परिस्थितही सामान्य नागरिकांचा या तीन संस्थांवर दृढ विश्वास असल्याचं प्रधानमंत्री नरेंद्र मोदी यांचं प्रतिपादन
Image