राष्ट्रीय महामार्ग टोल नाक्यांंवर सर्व सवलतींचा लाभ घेण्यासाठी फास्टॅग अनिवार्य


नवी दिल्‍ली : रस्ते वाहतूक आणि महामार्ग मंत्रालयाने टोल नाक्यावरील परतीच्या प्रवासातील सूट किंवा इतर कोणतीही सूट मिळविण्यासाठी फास्टॅग अनिवार्य केला आहे. 24 तासांच्या आत परतीचा प्रवास करताना ज्या वाहनचालकांना (वापरकर्त्यांनी) सवलत हवी असेल किंवा इतर कोणतीही स्थानिक सूट हवी असेल, त्यांनी वाहनात वैध फास्टॅग लावणे आवश्यक आहे. या संदर्भात राष्ट्रीय महामार्ग शुल्क (दर व संकलन निर्धारण) नियम, 2008 मध्ये सुधारणा करण्यासाठी दि. 24 ऑगस्ट 2020 रोजी राजपत्र अधिसूचना क्र. 534 E द्वारे सूचित करण्यात आले आहे.


राष्ट्रीय महामार्गांवरील टोल नाक्यांवर डिजिटल पेमेंटच्या वापरास प्रोत्साहन देण्यासाठी हे आणखी एक पाऊल आहे. अशा सवलतीसाठी देय शुल्क प्री-पेड इन्स्ट्रुमेंट्स, स्मार्ट कार्ड किंवा फास्टॅग किंवा बोर्ड युनिट (ट्रान्सपॉन्डर) किंवा इतर कोणत्याही इन्स्ट्रुमेंटद्वारे दिले जाईल.


नियमांमधील सुधारणांमुळे खालील बाबी शक्य होतील-  




  1. 24 तासांच्या आत परतीच्या प्रवासावरील सूट फास्टॅग किंवा इतर अशा उपकरणांद्वारे दिली जाईल, कोणत्याही पासची आवश्यकता भासणार नाही.




  2. इतर सर्व प्रकरणांवरील सूटंसाठी, वैध फास्टॅग असणे आवश्यक आहे.




24 तासांच्या आत परतीच्या प्रवासासाठी सूट उपलब्ध असल्यास, अशा परिस्थितीत पूर्व पावती किंवा नोटीसची आवश्यकता नाही आणि जर वाहनावर वैध आणि कार्यशील फास्टॅग असल्यास त्या वाहनाने 24 तासात परतीचा प्रवास केला असेल तर नागरिकांना आपोआप सूट मिळेल.


Popular posts
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
राज्यात येत्या ३० एप्रिलपर्यंत असलेल्या निर्बंधांच्या पार्श्वभूमीवर मुंबई महापालिकेच्या नव्या मार्गदर्शक सूचना जारी
Image